ऑपरेशन सिंदूर (Operation Sindoor) या लष्करी कारवाईच्या पहिल्या वर्धापन दिनानिमित्त लष्करी महासंचालक लेफ्टनंट जनरल राजीव घई (Lieutenant General Rajiv Ghai) यांनी या मोहिमेला भारताच्या सामरिक इतिहासातील एक निर्णायक वळण म्हटले आहे. दहशतवादाविरुद्ध भारताने बदललेल्या आक्रमक भूमिकेचे हे एक उत्तम उदाहरण होते. या मोहिमेदरम्यान भारतीय सैन्यांनी (Indian Army) सीमा ओलांडून पाकिस्तानमधील ११ हवाई तळ आणि ९ मोठे दहशतवादी तळ पूर्णपणे उद्ध्वस्त केले होते. भारताने अत्यंत अचूकपणे केलेल्या या हल्ल्यांमुळे शत्रूचे प्रचंड नुकसान झाले, तर भारताचे एकही लष्करी साधन किंवा मालमत्ता हानीग्रस्त झाली नाही. (Operation Sindoor Anniversary)
(हेही वाचा – West Bengal : बंगाल पेटवणारे रडारवर; २०० हून अधिक गुन्हे दाखल; सीसीटीव्हीच्या आधारे दंगलखोरांची धरपकड सुरू)
आत्मनिर्भर भारताची ताकद आणि स्वदेशी शस्त्रे
लेफ्टनंट जनरल घई (Lieutenant General Rajiv Ghai) यांनी माहिती दिली की, या मोहिमेत एकूण ९ अत्यंत अचूक हल्ले करण्यात आले, ज्यामध्ये लष्कर आणि हवाई दलाने समन्वय राखला होता. या यशात ब्रह्मोस आणि आकाश यांसारख्या भारतीय बनावटीच्या क्षेपणास्त्रांची तसेच इलेक्ट्रॉनिक युद्धप्रणालीची मोलाची भूमिका राहिली. ही मोहीम म्हणजे केवळ घोषणा नसून ‘आत्मनिर्भर भारत’ (Atmanirbhar Bharat) खऱ्या अर्थाने लष्करी ताकद वाढवणारे प्रभावी साधन असल्याचे जगाला सिद्ध झाले. जमीन, हवा आणि समुद्र अशा तिन्ही पातळ्यांवरून ही कारवाई अत्यंत नियोजित पद्धतीने राबवण्यात आली होती.
(हेही वाचा – Cricket Matches : महाराष्ट्र दिनानिमित्त 29व्या मलबार हिल चषक 2026 क्रिकेट स्पर्धेला उत्स्फूर्त प्रतिसाद)
पाकिस्तानची शरणागती आणि दहशतवादाचा अंत
या मोहिमेमध्ये लश्कर-ए-तैयबा (Lashkar-e-Taiba) आणि जैश-ए-मोहम्मद (Jaish-e-Mohammed) यांसारख्या संघटनांच्या तळांवर हल्ला करून १०० पेक्षा जास्त दहशतवाद्यांना कंठस्नान घालण्यात आले होते. भारताच्या या रुद्र अवतारामुळे पाकिस्तान इतका हतबल झाला की १० मे रोजी त्यांच्या लष्करी महासंचालकांनी स्वतः संपर्क साधून ही कारवाई थांबवण्याची विनंती केली होती. भारताची ही कारवाई जागतिक स्तरावर लष्करी नियोजनाचा एक नवा आदर्श मानली जात आहे. भारताच्या सार्वभौमत्वाचे रक्षण करण्यासाठी ही केवळ एक सुरुवात असून भविष्यातही अशाच प्रकारे प्रत्युत्तर दिले जाईल, असा इशारा यावेळी देण्यात आला.
हेही पहा –
Join Our WhatsApp Community