पंतप्रधान नरेंद्र मोदी (PM Narendra Modi) यांच्याविरोधात एका अल्पवयीन मुलीने अत्यंत आक्षेपार्ह शब्दांत घोषणाबाजी केली होती. तिची ही प्रतिक्रिया सोशल मीडियावरही व्हायरल झाली. या घटनेची दखल थेट पंतप्रधान नरेंद्र मोदींनी घेतली असून तिला माफ केले असल्याचे त्यांनी एका व्हिडिओमार्फत सांगितले. मोदींच्या या कृतीमुळे संबंधित मुलीच्या आईने मोदींचे आता आभार मानले असून तिला यामुळे जीवनदान मिळाले असल्याचे ती म्हणाली.
काय म्हणाली मुलीची आई?
मुलीच्या आईने सांगितले की, सूडाऐवजी माफ केल्याबद्दल पंतप्रधानांचे (PM Narendra Modi) हात जोडून आभार मानते. हा माझ्या मुलीसाठी दुसरा जन्मच आहे. इतके घाणेरडे आणि अश्लील शब्द वापरणाऱ्या मुलीला माफ करून पंतप्रधान मोदींनी आपले मोठेपण दाखवून दिले आहे. आज तिचा वाढदिवस आहे आणि पंतप्रधान मोदींनी (PM Narendra Modi) तिला सर्वात मोठी भेट दिली आहे, ती म्हणजे जीवनदान. आज या मुलीचा पुनर्जन्म झाला आहे, असे त्या म्हणाल्या.
आईने सरकारला अल्पवयीन मुलांना सोशल मीडिया वापरण्यापासून आणि आंदोलनांमध्ये सहभागी होण्यापासून रोखण्याचे आवाहन केले. पंतप्रधान मोदींना माझी नम्र विनंती आहे की, कृपया २० वर्षांखालील मुलांसाठी इन्स्टाग्राम आणि फेसबुक ब्लॉक करा. त्यांना फक्त अभ्यास करण्याची परवानगी दिली पाहिजे आणि त्यांना आंदोलनांमध्ये सहभागी होऊ देऊ नये. हे लोक फक्त मुलांचा फायदा घेऊ इच्छितात आणि त्यांच्याकडून काहीही बोलवून घेतात, असे त्या म्हणाल्या.
(हेही वाचा Ahilyanagar Chikki : चिक्कीचे पॅकेट उघडताच बसला धक्का; हातावर आल्या जिवंत अळ्या, FDA काय कारवाई करणार?)
नेमके काय आहे प्रकरण?
NEET-UG पेपरफुटीविरोधात जंतर-मंतर येथे कॉक्रोच जनता पार्टीच्या नेतृत्वाखाली झालेल्या विद्यार्थ्यांच्या आंदोलनादरम्यान पंतप्रधान मोदींना (PM Narendra Modi) लक्ष्य करून आक्षेपार्ह घोषणाबाजी करण्यात आली होती. यानंतर शुक्रवारी पंतप्रधान मोदींनी इंस्टाग्रामवर एक व्हिडिओ पोस्ट करून संयम राखण्याचे आवाहन केले होते. आपल्याला शिवीगाळ करणारे भरकटलेले आहेत, असे म्हणत पंतप्रधान मोदी (PM Narendra Modi) म्हणाले होते की, राग किंवा सूड हे याचे उत्तर असू शकत नाही. यानंतर लगेचच त्या मुलीचा माफी मागतानाचा व्हिडिओ समोर आला. व्हिडिओमध्ये तिने स्वतःचे वय १५ वर्षे असल्याचे सांगितले आणि आपल्या कृतीचे गांभीर्य समजल्याचे म्हटले. मी जे काही केले ते क्षमेच्या पात्र नव्हते. मी खूप वाईट गोष्टी बोलले आहे, असे ती म्हणाली. कनॉट प्लेसचा फेरफटका मारल्यानंतर ती मित्रांसोबत आंदोलनाच्या ठिकाणी गेली होती आणि पंतप्रधान मोदींच्या (PM Narendra Modi) विरोधात आक्षेपार्ह घोषणाबाजी करणाऱ्या आजूबाजूच्या लोकांच्या प्रभावाखाली आली होती, असे तिने सांगितले. ही आपली पहिली आणि शेवटची चूक असल्याचे सांगत तिने पुढे जोडले, मी संपूर्ण देशाची माफी मागते. मला खूप लाज वाटत आहे. मी स्वतःच्या नजरेला नजरही देऊ शकत नाही. कृपया मला माफ करा.
गुन्हा दाखल
मुलीने माफी मागितली असली तरी, २३ जुलै रोजी झालेल्या आंदोलनादरम्यान अपमानास्पद घोषणाबाजी केल्याप्रकरणी या मुलीविरुद्ध नोएडा पोलीस ठाण्यात आधीच तक्रार दाखल करण्यात आली होती. नोएडा पोलिसांनी झिरो एफआयआर नोंदवला होता. नंतर ही तक्रार नवी दिल्लीतील पार्लमेंट स्ट्रीट पोलीस ठाण्यात वर्ग करण्यात आली. तक्रारदाराने आरोप केला आहे की, मुलीच्या वक्तव्याने पंतप्रधानांच्या (PM Narendra Modi) पदाच्या प्रतिष्ठेचा अपमान केला आहे आणि यामुळे समाजात तेढ निर्माण होऊन सार्वजनिक शांतता भंग होऊ शकते.
Join Our WhatsApp Community