राज्यात ३० हजारांहून अधिक शिक्षकांची भरती सुरू; शालेय शिक्षण आयुक्त Sachindra Pratap Singh यांची माहिती

• प्रतिनिधी

Sachindra Pratap Singh          राज्यातील स्थानिक स्वराज्य संस्था तसेच खासगी व्यवस्थापनाच्या शाळांमधील रिक्त ३० हजार २०९ शिक्षण सेवक तसेच शिक्षक पदांची भरती प्रक्रिया पवित्र पोर्टलच्या माध्यमातून सुरू करण्यात आल्याची माहिती शालेय शिक्षण आयुक्त सच्चिंद्र प्रताप सिंह यांनी गुरुवारी दिली. (Sachindra Pratap Singh)

शिक्षक अभियोग्यता आणि बुद्धिमत्ता चाचणी (टीएआयटी) – २०२५ ऑनलाईन पद्धतीने २७ मे ते ५ जून २०२५ या कालावधीत घेण्यात आली होती. या चाचणीसाठी २ लाख २८ हजार ८०८ उमेदवारांनी नोंदणी केली होती. त्यापैकी २ लाख ११ हजार ३०८ उमेदवार चाचणीस प्रविष्ट झाले असून १ लाख ७० हजार १०८ उमेदवारांनी स्वप्रमाणपत्र प्रक्रिया पूर्ण केली आहे. (Sachindra Pratap Singh)

(हेही वाचा – Extremist Publications Ban : दहशतवाद्यांच्या मनसुब्यांवर महाराष्ट्र सरकारचा स्ट्राइक! ११४ कट्टरपंथी मासिकांवर आणली जप्ती)

पवित्र पोर्टलवरील जाहिरात प्रक्रिया पूर्ण झाल्यानंतर जिल्हा परिषदांच्या १३ हजार ३५१, महानगरपालिकांच्या १ हजार ९५४, नगर पालिका/ परिषदांच्या २८० तसेच खासगी शैक्षणिक संस्थांच्या १२ हजार १४८, याशिवाय आदिवासी विकास विभागाच्या शासकीय शाळांमधील २ हजार ४२१ आणि शासकीय विद्यानिकेतन मधील ५६ अशा एकूण ३० हजार २०९ रिक्त पदांची भरती मागणी नोंदविण्यात आली आहे. यामधील १९ हजार ८८१ पदे मुलाखतीशिवाय तर खासगी संस्थांमधील १० हजार ३२८ पदे मुलाखतीसह भरावयाची आहेत, असे सिंह यांनी सांगितले. (Sachindra Pratap Singh)

या पदांमध्ये इयत्ता पहिली ते पाचवीच्या १४ हजार ३२० पदांचा, इयत्ता सहावी ते आठवीच्या १० हजार १२ पदांचा, इयत्ता नववी आणि दहावीच्या ५ हजार ५१३ पदांचा तर इयत्ता ११ वी आणि १२ वीच्या ३६४ पदांचा समावेश आहे. (Sachindra Pratap Singh)

(हेही वाचा – BCCI Selectors Controversy : अजित आगरकर यांनी घेतलेले ४ निर्णय जे वादग्रस्त ठरले)

उमेदवारांना पदभरतीसाठी https://tait2025.mahateacherrecruitment.org.in या संकेतस्थळावर प्राधान्यक्रम निश्चित करण्याच्या सूचना देण्यात आल्या असून, त्यासाठी आवश्यक सुविधा ६ ऑगस्ट २०२६ पासून उपलब्ध करून देण्यात आली आहे. उमेदवारांनी पदनिहाय पसंतीक्रम नोंदवून तो ११ ऑगस्ट २०२६ पर्यंत लॉक करणे आवश्यक आहे. त्यानंतर मुलाखतीशिवायच्या पदांसाठी गुणवत्तायादी प्रसिद्ध करण्यात येणार असल्याचेही सिंह यांनी स्पष्ट केले. (Sachindra Pratap Singh)

हेही पहा –