नॅशनल कौन्सिल ऑफ एज्युकेशनल रिसर्च अॅण्ड ट्रेनिंग (NCERT) ने बारावीच्या राज्यशास्त्राच्या पुस्तकात अनेक बदल केले आहेत. बाबरी मशीद, हिंदुत्व, राजकारण 2002 ची गुजरात दंगल आणि अल्पसंख्याकांशी संबंधित काही संदर्भ पुस्तकातून काढून टाकण्यात आले आहेत. हे पुस्तक शैक्षणिक सत्र 2024-25 पासून लागू केले जाईल. अलीकडच्या काळात अनेक संवेदनशील विषय पुस्तकांमधून काढून टाकण्यात आले आहेत.
NCERTने गुरुवारी, (४ एप्रिल) आपल्या संकेतस्थळावर हे बदल सार्वत्रिक केले आहेत. केंद्रीय माध्यमिक शिक्षण मंडळाशी (CBSE) संलग्न शाळांमध्ये NCERT पुस्तके शिकवली जातात. देशात या मंडळाची मान्यता असलेल्या शाळांची संख्या सुमारे 30 हजार आहे. CBSE बोर्डाच्या शाळा भारताच्या जवळजवळ प्रत्येक भागात आहेत.
(हेही वाचा – IPL 2024, Sixes Galore : आयपीएलच्या पहिल्या २ आठवड्यात ३०० षटकारांची आतषबाजी )
अयोध्येचा संदर्भ बदलला
हिंदुस्तान टाईम्सच्या वृत्तानुसार, ‘इंडियन पॉलिटिक्स: न्यू चॅप्टर’ या राज्यशास्त्राच्या आठव्या अध्यायात ‘अयोध्या विध्वंस’चा संदर्भ काढून टाकण्यात आला आहे. प्रकरणातील ‘रामजन्मभूमी आंदोलन आणि अयोध्या विध्वंसाचा वारसा राजकीय जमवाजमवीचे स्वरूप काय आहे?’ ते बदलून ‘रामजन्मभूमी आंदोलनाचा वारसा काय आहे?’ केले आहे. प्रश्नांची उत्तरे नवीन बदलांशी जोडली जावीत म्हणून असे करण्यात आल्याचे एनसीईआरटीचे म्हणणे आहे.
हेही पहा –
Join Our WhatsApp Community