PM Narendra Modi यांचा अवमानकारक उल्लेख केल्याबद्दल राहुल गांधींविरोधात तक्रार

राजस्थानमध्ये एका निवडणूक रॅलीला संबोधित करताना काँग्रेसचे माजी अध्यक्ष राहुल गांधी म्हणाले की, ‘पीएम म्हणजे पनौती मोदी’. क्रिकेट विश्वचषक फायनलमध्ये ऑस्ट्रेलियाविरुद्ध भारताच्या पराभवाचा संदर्भ देत राहुल गांधी यांनी या शब्दाचा उल्लेख पंतप्रधान मोदींबाबत(PM Narendra Modi) केला. सामन्यातील पराभवानंतर ‘पनौती’ हा शब्द सोशल मीडियावर ट्रेंड करत आहे. यावर प्रत्युत्तर देताना भाजपचे ज्येष्ठ नेते आणि माजी केंद्रीय मंत्री रविशंकर प्रसाद म्हणाले की, देशाच्या पंतप्रधानांबद्दल गांधींचे वक्तव्य ‘लज्जास्पद, निंदनीय आणि अपमानास्पद’ होते.

(हेही वाचा National Herald : यंग इंडियाची 751.9 कोटी रुपयांची मालमत्ता जप्त; सोनिया-राहुल गांधींची ७६ टक्के भागीदारी)

त्यांनी आपले खरे रंग दाखवले आहेत, पण त्यांची आई सोनिया गांधी यांनी गुजरातचे तत्कालीन मुख्यमंत्री मोदी (PM Narendra Modi) यांना ‘मृत्यूचे व्यापारी’ म्हटल्यावर गुजरातमध्ये काँग्रेस कशी बुडाली हे त्यांनी लक्षात घ्यायला हवे, असे रविशंकर प्रसाद म्हणाले. काँग्रेस नेत्याच्या वक्तव्यावर प्रतिक्रिया व्यक्त करताना, राहुल गांधी यांनी पंतप्रधानांबद्दल केलेल्या वक्तव्याचा मी तीव्र शब्दात निषेध करतो, असे प्रसाद यांनी पत्रकारांना सांगितले.