Hinjawadi Murder Case : शाळेतलं प्रेम, पुण्यातला पीजी अन् रॉडने १४ वार; लव्ह ट्रँगलमधून पुण्यात तरुणाची निघृण हत्या

पुण्यातील हिंजवडीमध्ये (Hinjawadi Murder) एक खळबळजनक घटना समोर आली आहे. पीजीमध्ये राहणाऱ्या एका तरुणाची लोखंडी सळीने निर्घृणपणे हत्या करण्यात आली, तर एका तरुणीवर हल्लाही करण्यात आला. प्राथमिक तपासात या घटनेचा संबंध एका लव ट्रायंगल (love triangle case) असल्याचे समोर आले आहे. ही संपूर्ण घटना पीजीमध्ये लावलेल्या सीसीटीव्ही कॅमेऱ्यात कैद झाली आहे. पोलिसांनी आरोपीला अटक केली आहे. या हल्ल्यात तरुणीही गंभीर जखमी झाली असून तिच्यावर रुग्णालयात उपचार सुरू आहेत. (Hinjawadi Murder Case) 

(हेही वाचा – ढोल-ताशा सरावाला ‘नियम’; Pune महानगरपालिका लवकरच जाहीर करणार नियमावली )

मिळालेल्या माहितीनुसार, सागर गायकवाड (Sagar Gaikwad) गेल्या चार दिवसांपासून हिंजवडीतील एका सात मजली पीजीमध्ये व्यवस्थापक म्हणून काम करत होता. बुधवारी रात्री एक मुलगी महिनाभरासाठी पीजीमध्ये राहायला आली. तिने पीजी व्यवस्थापकाला सांगितले की सागर तिचा प्रियकर आहे. त्यानंतर सागरने तिला तिसऱ्या मजल्यावरील खोली क्रमांक ३१० मध्ये जागा दिली. (Hinjawadi Murder Case)

दुसऱ्या दिवशी दुपारी, दिनेश महादेव झांब्रे (Dinesh Mahadev Jambre) नावाचा एक तरुण पीजीमध्ये आला. तो म्हणाला की, त्याला सागरला भेटायचे आहे, जो त्याच्या गर्लफ्रेंडसोबत राहत होता. कर्मचाऱ्यांनी त्याला सांगितले की सागर तिसऱ्या मजल्यावर आहे. त्यानंतर दिनेश स्वतःच तिसऱ्या मजल्यावर गेला. तिथून किंकाळ्या आणि रडण्याचे आवाज येऊ लागले. जेव्हा लोक तिथे पोहोचले, तेव्हा सागर रक्ताने माखलेला जमिनीवर पडला होता आणि दिनेश लोखंडी सळीने त्याच्यावर सतत हल्ला करत होता. आरोपीने त्या मुलीवरही जीवघेणा हल्ला केला.

(हेही वाचा – MUMBAI : मुलुंडमध्ये बेस्ट बसचा अपघात, पादचारी महिलेला धडक )

ती मुलगी पुण्यात का आली ?
प्राथमिक तपासात असे समोर आले आहे की, दिनेश आणि जखमी मुलगी शाळेपासून एकमेकांना ओळखत होते आणि त्यांचे प्रेमसंबंध होते. नंतर, ते दोघे बीसीए पदवीचे शिक्षण घेण्यासाठी पुण्यात आले. याच काळात ती मुलगी सागरच्या जवळ आली. पोलिसांचा असा विश्वास आहे की, याच कारणामुळे आरोपीने हा गुन्हा केला. या हल्ल्यात सागर गायकवाड यांचा जागीच मृत्यू झाला, तर मुलगी जखमी असून तिच्यावर रुग्णालयात उपचार सुरू आहेत. या संपूर्ण घटनेचे सीसीटीव्ही फुटेज समोर आले आहे. प्राथमिक तपासानुसार, आरोपीने सागरवर लोखंडी सळीने १३ ते १४ वेळा वार केले. फुटेजच्या आधारे पोलीस तपास करत आहेत. आरोपी दिनेश महादेव झांबरे याला अटक करण्यात आली आहे.

हेही पहा –