Ajit Doval Pune : शनिवार १ ऑगस्ट या दिवशी ‘लोकमान्य टिळक पुण्यतिथीनिमित्त’, राष्ट्रीय सुरक्षा सल्लागार (NSA) अजित डोवाल यांना यंदाचा लोकमान्य टिळक राष्ट्रीय पुरस्कार प्रदान करण्यात आला. पुण्यातील स्वारगेट परिसरातील महाराष्ट्र मंडळाच्या महर्षी नगर मैदानावर झालेल्या या पुरस्कार सोहळ्यात सोहळ्यात मुख्यमंत्री देवेंद्र फडणवीस यांनी डोवाल यांच्या कार्याचा गौरव करताना, त्यांना ‘भारताच्या राष्ट्रीय सुरक्षेचा अत्यंत महत्त्वाचा आधारस्तंभ’ असे संबोधले. देशाच्या सुरक्षेसाठी शांतपणे, प्रसिद्धीपासून दूर राहून त्यांनी दिलेले योगदान असामान्य असल्याचे फडणवीस यांनी अधोरेखित केले.
आपल्या भाषणादरम्यान फडणवीस म्हणाले की, “अजित डोवाल हे केवळ संरक्षण अधिकारी नाहीत, तर भारताच्या सुरक्षाविषयक धोरणाचे शिल्पकार आहेत. राष्ट्रीय सुरक्षेशी संबंधित अनेक महत्त्वाच्या निर्णयांमध्ये त्यांचे मार्गदर्शन आणि रणनीती निर्णायक ठरली आहे. ते नेहमी पडद्यामागे राहून देशहितासाठी काम करतात, त्यामुळे त्यांच्या कार्याचा गाजावाजा कमी होतो; मात्र त्यांच्या योगदानाचे महत्त्व अत्यंत मोठे आहे.” (Ajit Doval Pune)
त्यांनी बोलताना नमूद केले की, “देशासमोर दहशतवाद, सीमावाद आणि अंतर्गत सुरक्षेसारखी अनेक आव्हाने उभी असताना अजित डोवाल यांनी धैर्य, संयम आणि दूरदृष्टीच्या बळावर अनेक कठीण परिस्थिती हाताळल्या. भारताच्या सुरक्षाव्यवस्थेला अधिक सक्षम करण्यामध्ये त्यांची भूमिका मोलाची राहिली आहे.”
यावेळी फडणवीस यांनी केंद्रीय गृहमंत्री अमित शाह यांच्याही नेतृत्वाचे देखील कौतुक केले. देशाच्या अंतर्गत सुरक्षेला बळकट करण्यासाठी अमित शाह यांनी घेतलेल्या कठोर निर्णयांमध्ये अजित डोवाल यांचे मार्गदर्शन आणि धोरणात्मक योगदान महत्त्वाचे राहिल्याचे त्यांनी नमूद केले. मजबूत राजकीय नेतृत्व आणि प्रभावी सुरक्षा यंत्रणा यांच्या समन्वयामुळे भारत अधिक सुरक्षित बनल्याचेही त्यांनी सांगितले. (Ajit Doval Pune)
फडणवीस म्हणाले की, “अनेक संवेदनशील सुरक्षा कारवाया, दहशतवादविरोधी मोहिमा तसेच राष्ट्रीय हिताच्या रणनीतिक निर्णयांमध्ये डोवाल यांनी अत्यंत शांतपणे आणि प्रभावीपणे भूमिका बजावली आहे. त्यामुळे त्यांना मिळालेला लोकमान्य टिळक राष्ट्रीय पुरस्कार हा केवळ एका व्यक्तीचा सन्मान नसून देशाच्या सुरक्षा व्यवस्थेचा गौरव आहे.”
लोकमान्य बाळ गंगाधर टिळक यांच्या स्मृतिदिनानिमित्त दरवर्षी राष्ट्रहितासाठी उल्लेखनीय कार्य करणाऱ्या व्यक्तीला हा पुरस्कार दिला जातो. यंदा या पुरस्कारासाठी राष्ट्रीय सुरक्षेतील अतुलनीय योगदानाबद्दल, राष्ट्रीय सुरक्षा सल्लागार अजित डोवाल यांची निवड करण्यात आली. केंद्रीय गृहमंत्री अमित शाह यांच्या हस्ते त्यांना पुरस्कार प्रदान करण्यात आला, ज्यांच्या उपस्थितीचाही उल्लेख करताना, “आज एका धुरंधराच्या हस्ते दुसऱ्या धुरंधराचा गौरव होत आहे,” असे फडणवीस म्हणाले. (Ajit Doval Pune)
मुख्यमंत्री देवेंद्र फडणवीस यांनी राष्ट्रीय सुरक्षा सल्लागार अजित डोवाल यांच्या कार्याचेही भरभरून कौतुक केले. देशाच्या सुरक्षाविषयक धोरणामध्ये डोवाल यांचे योगदान अत्यंत मोलाचे असल्याचे सांगत त्यांनी त्यांना राष्ट्रीय सुरक्षेच्या क्षेत्रातील ‘चाणक्य’ अशी उपमा दिली. या विशेष कार्यक्रमाला मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा पवार आणि विविध क्षेत्रांतील मान्यवर उपस्थित होते. (Ajit Doval Pune)
हेही पाहा:
Join Our WhatsApp Community