FIH Hockey World Cup 2026 एफआयएच हॉकी विश्वचषक २०२६ च्या सुरुवातीला आता दोन आठवड्यांपेक्षा कमी कालावधी शिल्लक आहे. अशा परिस्थितीत भारतीय पुरुष हॉकी संघ अंतिम तयारीत व्यस्त आहे. संघातील स्टार फॉरवर्ड मनदीप सिंह, अभिषेक आणि शिलानंद लकडा यांचे मत आहे की, आधुनिक हॉकीमध्ये यश मिळवण्यासाठी फॉरवर्ड खेळाडूंमध्ये उत्तम समन्वय, सातत्य आणि सांघिक भावना सर्वात महत्त्वाची आहे. (FIH Hockey World Cup 2026)
आपल्या चौथ्या एफआयएच विश्वचषकात उतरणाऱ्या अनुभवी फॉरवर्ड मनदीप सिंह यांनी सांगितले की, कारकिर्दीच्या सुरुवातीच्या काळात त्यांनी वरिष्ठ खेळाडूंकडून बरेच काही शिकले आणि आता तोच अनुभव ते युवा खेळाडूंसोबत शेअर करत आहेत. हॉकी इंडियाने दिलेल्या वृत्तानुसार त्यांनी सांगितले, “जेव्हा मी युवा होतो, तेव्हा मी वरिष्ठ खेळाडूंना अनेक प्रश्न विचारायचो आणि त्यांच्याकडून खूप काही शिकलो. आता मी तोच अनुभव युवा फॉरवर्ड खेळाडूंसोबत शेअर करतो. मोठ्या सामन्यांमध्ये दबाव कसा हाताळायचा, शांत कसे राहायचे आणि योग्य निर्णय कसे घ्यायचे यावर आम्ही चर्चा करतो.” मनदीप यांच्या मते, गोल करण्यातील यश केवळ प्रतिभेवर अवलंबून नसते, तर नियोजनबद्ध सरावातून मिळते. (FIH Hockey World Cup 2026)
(हेही वाचा – Indian Hockey Team Orange Jersey : हॉकी संघाची नवीन जर्सी केशरी रंगांची, माजी खेळाडूंकडून होतोय विरोध)
ते म्हणाले, “आम्ही फॉरवर्ड खेळाडूंचे सराव सत्र खूप विशेष असतात. डीच्या आत समन्वय तयार करणे, अंतिम पास योग्य पद्धतीने घेणे आणि प्रत्येक आक्रमणाला परिणामापर्यंत पोहोचवणे यावर आम्ही सातत्याने मेहनत करतो. प्रत्येक वेळी डीमध्ये प्रवेश केल्यावर गोल करणे, गोलवर शॉट मारणे किंवा पेनल्टी कॉर्नर मिळवणे हे आमचे लक्ष्य असते.” ते पुढे म्हणाले, “एक चांगला स्ट्रायकर केवळ गोल करण्याचा विचार करत नाही. हॉकी हा सांघिक खेळ आहे आणि सहकाऱ्यांसोबत जितका चांगला समन्वय असेल, तितकाच प्रभावी खेळ करता येतो.” (FIH Hockey World Cup 2026)
आपल्या पहिल्या एफआयएच विश्वचषकाच्या तयारीत असलेले शिलानंद लकडा यांनी सांगितले की, वरिष्ठ खेळाडूंचे, विशेषतः मनदीप सिंह यांचे मार्गदर्शन त्यांच्यासाठी खूप उपयुक्त ठरले आहे. ते म्हणाले, “जेव्हा माझ्याकडून एखादी चूक होते, तेव्हा वरिष्ठ खेळाडू मला सांगतात की कुठे सुधारणा करायची आहे. मनदीप भाऊ नेहमी माझा आत्मविश्वास वाढवतात आणि योग्य दिशा दाखवतात. त्यांच्या सल्ल्यामुळे मला सातत्याने शिकण्यास आणि चांगले होण्यास मदत मिळते.” (FIH Hockey World Cup 2026)
(हेही वाचा – Kalyan : घरफोडीच्या गुन्ह्याचा २४ तासांत उलगडा; ४.५० लाखांचा ऐवजासह दोघे चोरटे चतुर्भुज)
लकडा यांचे मत आहे की, आधुनिक हॉकीमध्ये फॉरवर्ड खेळाडूंची भूमिका केवळ गोल करण्यापुरती मर्यादित राहिलेली नाही. ते म्हणाले, “मी नेहमी संघासाठी प्रत्येक प्रकारे योगदान देण्याचा प्रयत्न करतो. संधी निर्माण करणे असो, गोल करणे असो किंवा टॅकल करणे असो, माझा प्रयत्न प्रत्येक विभागात योगदान देण्याचा असतो. आता फॉरवर्ड खेळाडू संघाची पहिली बचावफळीही असतात. जर आम्ही चांगला बचाव केला तर बचावपटू आणि मिडफिल्डरचे काम सोपे होते.” (FIH Hockey World Cup 2026)
भारतीय संघाचा विश्वासार्ह गोल स्कोअरर अभिषेक यांनी सांगितले की, त्यांच्या सातत्याचे रहस्य शारीरिक आणि मानसिक अशा दोन्ही प्रकारच्या कठोर तयारीत आहे. ते म्हणाले, “एका स्ट्रायकरचे सातत्य हे चेंडू नसतानाही त्याच्या हालचालींपासून सुरू होते. ऑफ-द-बॉल मूव्हमेंट आणि प्रेसिंग खूप महत्त्वाचे आहेत कारण फॉरवर्ड खेळाडू हे संघाची पहिली बचावफळी असतात. चेंडू मिळवल्यानंतर इतर फॉरवर्ड खेळाडूंसोबत समन्वय साधणे आणि त्यानंतर आक्रमणाचे रूपांतर गोल, शॉट किंवा पेनल्टी कॉर्नरमध्ये करणे ही आमची जबाबदारी असते.” (FIH Hockey World Cup 2026)
मानसिक मजबुतीबाबत त्यांनी सांगितले, “डीच्या आत संयम सरावातून येतो. जर तुम्ही प्रशिक्षणात मेहनत केली नाही तर दबावाच्या परिस्थितीत योग्य निर्णय घेता येणार नाहीत. आम्ही ध्यान (मेडिटेशन) आणि अनुभवाच्या माध्यमातून मानसिकदृष्ट्याही स्वतःला मजबूत बनवतो. जितका अधिक खेळू, तितके कठीण परिस्थितीत शांत राहण्याची क्षमता वाढते.” (FIH Hockey World Cup 2026)
एफआयएच हॉकी विश्वचषक २०२६ चे आयोजन १५ ते ३० ऑगस्टदरम्यान बेल्जियम आणि नेदरलँड्समध्ये होणार आहे. भारताला पूल-डीमध्ये स्थान देण्यात आले आहे, जिथे तो आपल्या मोहिमेची सुरुवात १५ ऑगस्ट रोजी वेल्सविरुद्ध करेल. त्यानंतर भारतीय संघ इंग्लंड आणि कट्टर प्रतिस्पर्धी पाकिस्तानशी सामना करेल. (FIH Hockey World Cup 2026)
हेही पहा –
Join Our WhatsApp Community