Pak Hockey New Low : पाक हॉकीपटूंना दिवसाचा भत्ता प्रत्येकी ३२५ रुपये, तो ही मिळेना

• ऋजुता लुकतुके

Pak Hockey New Low           पाकिस्तान हॉकी संघातील खेळाडूंनी पुन्हा एकदा आर्थिक अडचणींबाबत नाराजी व्यक्त केली आहे. आगामी हॉकी विश्वचषकापूर्वीच खेळाडूंना मानधन आणि दैनंदिन भत्ते वेळेवर मिळाले नसल्याची माहिती समोर आली आहे. त्यामुळे पाकिस्तान हॉकी व्यवस्थापनावर टिकेची झोड उठली आहे. (Pak Hockey New Low)

मिळालेल्या माहितीनुसार, अनेक खेळाडूंना गेल्या काही महिन्यांपासून दैनिक भत्ते आणि सामन्यांचे पैसे मिळालेले नाहीत. काही खेळाडूंनी नाव न सांगण्याच्या अटीवर माध्यमांशी बोलताना आर्थिक परिस्थिती अत्यंत कठीण झाल्याचं सांगितलं. “देशासाठी खेळताना अभिमान वाटतो, पण मूलभूत सुविधा आणि पैसे वेळेवर मिळाले नाहीत तर अडचणी वाढतात,” अशी भावना त्यांनी व्यक्त केली. (Pak Hockey New Low)

(हेही वाचा – Indian Army: भारतीय लष्कराचे चीता हेलिकॉप्टर डोंगरात कोसळले, अपघाताचे कारण शोधण्यासाठी चौकशी सुरू)

पाकिस्तान हॉकी फेडरेशन आर्थिक संकटातून जात असल्याचं यापूर्वीही अनेकदा समोर आलं आहे. निधीअभावी प्रशिक्षण शिबिरं, परदेश दौरे आणि खेळाडूंच्या सुविधा यावर परिणाम होत असल्याचं सांगितलं जात आहे. आता विश्वचषकासारखी मोठी स्पर्धा जवळ आलेली असताना खेळाडूंनी उघडपणे नाराजी व्यक्त केल्यामुळे परिस्थिती अधिक गंभीर मानली जात आहे. काही महिन्यांपूर्वी पाक खेळाडूंना दुबईत हॉटेलची व्यवस्था न झाल्यामुळे रस्त्यांवर किंवा सार्वजनिक आसरा घेऊन राहावं लागल्याचे फोटो व्हायरल झाले होते. (Pak Hockey New Low)

एका वरिष्ठ अधिकाऱ्यानं मात्र लवकरच सर्व थकित रक्कम दिली जाईल, असं आश्वासन दिलं आहे. आर्थिक प्रक्रिया सुरू असून खेळाडूंना चिंता करण्याचं कारण नसल्याचंही त्यानं सांगितलं. मात्र या आश्वासनांवर खेळाडू कितपत समाधानी आहेत, याबाबत प्रश्नचिन्ह कायम आहे. (Pak Hockey New Low)

(हेही वाचा – Vijay Shankar Retires : ‘मी आत्यंतिक हेटाळणी सहन केली आहे’; असं विजय शंकर का म्हणाला?)

एकेकाळी जागतिक हॉकीवर वर्चस्व गाजवणाऱ्या पाकिस्तानची परिस्थिती गेल्या काही वर्षांत मोठ्या प्रमाणावर खालावली आहे. आर्थिक अडचणी, पायाभूत सुविधांचा अभाव आणि सातत्यपूर्ण कामगिरी न होणं यामुळे पाकिस्तान हॉकीची घसरण होत असल्याचं अनेक माजी खेळाडूंनीही म्हटलं आहे. (Pak Hockey New Low)

दरम्यान, विश्वचषकापूर्वी निर्माण झालेल्या या वादामुळे संघाच्या तयारीवर परिणाम होण्याची शक्यता व्यक्त केली जात आहे. आर्थिक अस्थिरता आणि व्यवस्थापनातील गोंधळ यामुळे खेळाडूंवर मानसिक दबाव वाढल्याचंही बोललं जात आहे. (Pak Hockey New Low)

हेही पहा –