पुणे जिल्ह्यात येत्या १९ ते २३ जानेवारी दरम्यान ‘पुणे ग्रँड चॅलेंज टूर-२०२६’ (Pune Grand Challenge Tour-2026) या भव्य आंतरराष्ट्रीय सायकलिंग स्पर्धेचे (International cycling competition india) आयोजन करण्यात आले आहे. या स्पर्धेचा मुख्य भाग असलेली ‘प्रोलाँग रेस’ सोमवारी शहरात पार पडणार आहे. या मोठ्या क्रीडा महोत्सवामुळे शहराच्या मध्यभागातील जनजीवन विस्कळीत होऊ नये आणि विद्यार्थ्यांची गैरसोय टाळण्यासाठी जिल्हाधिकाऱ्यांनी विशेष पाऊल उचलले आहे. (Pune School Holiday)
(हेही वाचा – Ind vs NZ 3rd ODI : न्यूझीलंड मालिका जिंकली; रोहित ११, गिल २३, श्रेयस ३, राहुल १…गौतम गंभीर जिंकला )
विविध शैक्षणिक संस्थांना अधिकृत सुटी
जिल्हाधिकाऱ्यांच्या नव्या नियमांनुसार, शहरातील शिवाजीनगर, औंध, बाणेर, कोथरूड आणि सिंहगड रस्ता यांसारख्या प्रमुख क्षेत्रीय कार्यालयांच्या हद्दीतील सर्व शाळा आणि महाविद्यालयांना सोमवारी सुटी देण्यात आली आहे. यामध्ये सर्व सरकारी तसेच खासगी प्राथमिक आणि माध्यमिक शाळा, अंगणवाड्या आणि व्यावसायिक प्रशिक्षण केंद्रांचा समावेश आहे. विद्यार्थ्यांनी आणि पालकांनी या बदलाची नोंद घेण्याचे आवाहन प्रशासनाकडून करण्यात आले आहे.
प्रमुख रस्ते आणि वाहतूक बदल
सोमवारी सकाळी ९ ते सायंकाळी ६ या वेळेत शहरातील वर्दळीचे रस्ते सायकल शर्यतीसाठी राखीव ठेवण्यात आले आहेत. यामध्ये फर्ग्युसन महाविद्यालय रस्ता, गणेशखिंड रस्ता आणि जंगली महाराज रस्ता यांसारख्या महत्त्वाच्या मार्गांचा समावेश असून ते सर्व प्रकारच्या वाहतुकीसाठी पूर्णपणे बंद राहतील. या रस्त्यांना जोडणारे इतर छोटे रस्ते देखील बंद ठेवले जाणार असल्याने नागरिकांनी पर्यायी मार्गांचा वापर करावा, अशा सूचना वाहतूक पोलिसांनी दिल्या आहेत.
(हेही वाचा – नागपूर आता देशाचे ‘डिफेन्स हब’ होणार! संरक्षण मंत्री Rajnath Singh यांच्या हस्ते ‘या’ मोठ्या प्रकल्पाचे उद्घाटन)
आंतरराष्ट्रीय सायकलिंग स्पर्धेचे आयोजन
पुणे ग्रँड चॅलेंज टूर ही जागतिक स्तरावरील महत्त्वाची स्पर्धा असून यामध्ये अनेक देशांचे सायकलपटू सहभागी होत आहेत. या स्पर्धेमुळे पुण्याच्या क्रीडा वैभवात भर पडणार आहे. खेळाडूंच्या सुरक्षेसाठी आणि शर्यत विनाअडथळा पार पाडण्यासाठी प्रशासनाने ही तात्पुरती नाकाबंदी आणि सुटी लागू केली आहे. सायंकाळी शर्यत संपल्यानंतर वाहतूक व्यवस्था पुन्हा पूर्ववत करण्यात येईल.
हेही पहा –