Vaibhav Sooryavanshi : वैभव सूर्यवंशीला तिसऱ्या टी-२० मालिकेत संधी? श्रेयस अय्यरने दिले मोठे संकेत

• ऋजुता लुकतुके

Vaibhav Sooryavanshi               अफगाणिस्तानविरुद्धची टी-२० मालिका भारताने २-० अशी जिंकून घेतल्यानंतर आता तिसऱ्या सामन्यात युवा फलंदाज वैभव सूर्यवंशीला संधी मिळण्याची शक्यता वाढली आहे. भारतीय संघाचा कर्णधार श्रेयस अय्यरने अंतिम सामन्यात संघातील राखीव खेळाडूंना संधी देण्याचे संकेत दिले आहेत. त्यामुळे गेल्या दोन सामन्यांत अंतिम अकरामध्ये स्थान न मिळालेल्या १५ वर्षीय वैभवकडे सर्वांचे लक्ष लागले आहे. (Vaibhav Sooryavanshi)

अफगाणिस्तानविरुद्धच्या दुसऱ्या टी-२० सामन्यात भारताने सात गडी राखून विजय मिळवत तीन सामन्यांच्या मालिकेत २-० अशी विजयी आघाडी घेतली. संजू सॅमसनने अवघ्या २२ चेंडूंत ५७ धावांची आक्रमक खेळी केली, तर नितीश कुमार रेड्डीने तीन बळी घेत भारताच्या विजयात महत्त्वाची भूमिका बजावली. (Vaibhav Sooryavanshi)

(हेही वाचा – India vs Afghanistan T20 2026 : वैभव सुर्यवंशीशी स्पर्धा? संजू सॅमसनचं थेट उत्तर; ‘मी संघातील खेळाडूंशी स्पर्धा करत नाही’)

सामना संपल्यानंतर तिसऱ्या सामन्यातील संघरचनेबाबत विचारले असता श्रेयस अय्यरने स्पष्ट संकेत दिले. “सर्वांना खेळपट्टीशी जुळवून घ्यायचे आहे आणि सरावाची संधी द्यायची आहे. त्यामुळे बाहेर बसलेल्या खेळाडूंना संधी देणे चांगले ठरेल,” असे अय्यरने सांगितले. त्याच्या या वक्तव्यामुळे वैभव सूर्यवंशीसह आतापर्यंत संधी न मिळालेल्या खेळाडूंना अंतिम अकरामध्ये स्थान मिळण्याची शक्यता निर्माण झाली आहे. (Vaibhav Sooryavanshi)

वैभवने यापूर्वी आंतरराष्ट्रीय क्रिकेटमध्ये पदार्पण केले आहे. मात्र अफगाणिस्तानविरुद्धच्या पहिल्या आणि दुसऱ्या टी-२० सामन्यात त्याला खेळण्याची संधी मिळाली नाही. त्यामुळे तिसरा सामना त्याच्यासाठी आंतरराष्ट्रीय पातळीवर पुन्हा स्वतःला सिद्ध करण्याची संधी ठरू शकतो. (Vaibhav Sooryavanshi)

(हेही वाचा – Pakistani Ship Collides: अरबी समुद्रात भारतीय नौदलाच्या युद्धनौकेला पाकिस्तानी जहाजाची धडक)

दरम्यान, कर्णधार म्हणून सुरुवातीच्या काळात आयर्लंड आणि इंग्लंडविरुद्धच्या मालिकांमध्ये पराभव पत्करावा लागल्यानंतर आता श्रेयस अय्यरने अफगाणिस्तानविरुद्ध पहिली टी-२० मालिका जिंकली आहे. या प्रवासाबद्दल बोलताना त्याने सुरुवातीचा काळ कठीण असल्याचे सांगितले. मात्र परिस्थिती स्वीकारून वर्तमानावर लक्ष केंद्रित करणे महत्त्वाचे असल्याचे त्याने स्पष्ट केले. (Vaibhav Sooryavanshi)

आता तिसरा टी-२० सामना गुरुवारी होणार असून, मालिका आधीच भारताच्या नावावर असल्याने वैभव सूर्यवंशीसारख्या युवा खेळाडूंना संधी देऊन त्यांना आंतरराष्ट्रीय सामन्याचा अनुभव देण्याची शक्यता आहे. अंतिम संघाची अधिकृत घोषणा मात्र सामन्यापूर्वीच होईल. (Vaibhav Sooryavanshi)

हेही पहा –