Asian Games 2023 : बक्षिसांची लयलूट सुरूच, तिरंदाजीत ज्योती ओजसची सुवर्णकामगिरी

आशियाई खेळांमध्ये (Asian Games 2023) दिवसेंदिवस भारत अनेक पदकांची कमाई करत आहे. बुधवारी सकाळीच भारताने तिरंदाजी (Archery) मध्ये सुवर्णपदकावर आपले नाव कोरण्यात यशस्वी ठरले आहे. तिरंदाजीच्या कंपाऊंड मिक्स्ड टीम इव्हेंटमध्ये भारताच्या ज्योती सुरेखा वेन्नम आणि ओजस प्रवीण देवताळे या जोडीनं दक्षिण कोरियाच्या सो चेचान आणि जू जेहून या जोडीचा अंतिम फेरीत १५९-१५८ अशा फरकानं पराभव केला. (Asian Games 2023 )

ओजस देवतळे आणि ज्योती सुरेखा वेन्नम या अव्वल मानांकित भारतीय तिरंदाजी जोडीने आशियाई क्रीडा स्पर्धेत तिरंदाजीमध्ये त्यांचे दुसरे सुवर्णपदक जिंकताना उल्लेखनीय आत्मविश्वास आणि अचूकता दाखवली. भारतीय जोडीने केवळ एक गुण गमावून आपले वर्चस्व दाखवले आणि त्यांच्या दक्षिण कोरियाच्या प्रतिस्पर्ध्यांना एका गुणाने पराभूत केले. यामुळे आशियाई खेळांमध्ये भारताच्या नावावर हे १६वं सुवर्णपदक नोंदवलं गेलं आहे. तसेच भारतानं आशियाई खेळांमध्ये आजवर जिंकलेल्या सुवर्णपदकांशी बरोबरी केली आहे. यापूर्वी जकार्तामध्ये झालेल्या आशियाई खेळात भारतानं ही कामगिरी केली होती.या सुवर्णपदक विजयाने आशियाई क्रीडा स्पर्धेत भारतीय तिरंदाजांसाठी एक महत्त्वपूर्ण कामगिरी म्हणून अधोरेखित झाली आहे. त्यांना स्पर्धेतून किमान चार पदके जिंकण्याचा मार्ग निश्चित केला. (Asian Games 2023 )

(हेही वाचा : Ghatkopar-Versova Metro : घाटकोपर-वर्सोवा मेट्रो वाहतूक विस्कळीत; स्थानकांवर प्रचंड गर्दी)