Madhya Pradesh: ग्वाल्हेर परिक्षेत्राचे पोलीस महानिरीक्षक (आयजी) अरविंद सक्सेना यांच्या सेवानिवृत्तीनिमित्त साजरा करण्यात आलेला निरोप समारंभ अविस्मरणीय ठरला. या निरोप समारंभाचा व्हिडिओ शनिवारी (१ ऑगस्ट) सोशल मीडियावर व्हायरल झाला.आयजी कार्यालयात वरिष्ठ पोलीस अधिकारी आणि कर्मचाऱ्यांच्या उपस्थितीत निरोप समारंभ पार पडला.
या अनोख्या निरोप समारंभात, पोलीस कॉन्स्टेबल सुनील ‘बाहुबली’ यांनी आयजींची गाडी आपल्या दातांनी जवळपास ५० मीटरपर्यंत ओढली, ज्यामुळे उपस्थित सर्वजण थक्क झाले.
व्हायरल झालेल्या या व्हिडियोत असे दृष्य दिसते की, कार्यक्रमानंतर अरविंद सक्सेना आपल्या गाडीतून कार्यालयातून निघण्याच्या तयारीत असताना, कॉन्स्टेबल सुनील बाहुबली यांनी गाडीला दोरी बांधली आणि आपल्या दातांनी ती गाडी कार्यालयाच्या आवारात सुमारे ५० मीटर ओढत नेली. या आगळ्यावेगळ्या प्रदर्शनाचे अधिकारी आणि कर्मचाऱ्यांनी टाळ्यांच्या प्रचंड गजरात कौतुक करून सक्सेना यांचे अभिनंदन केले. या अनोख्या शक्ती प्रदर्शनामुळे हा निरोप समारंभ उपस्थितांसाठी अविस्मरणीय प्रसंग ठरला.
#WATCH | Retiring Gwalior IG Arvind Saxena Gets Unique Farewell As Constable Sunil Bahubali Pulls His Car With Teeth#MadhyaPradesh #Gwalior #IndiaNews pic.twitter.com/GrzuSU6Xxm
— Free Press Madhya Pradesh (@FreePressMP) August 1, 2026
हेही वाचा – Anti Paper Leak Law : लाखो विद्यार्थ्यांसाठी दिलासादायक बातमी! पेपरफूटी विधेयकाला राष्ट्रपतींची मंजुरी
या निरोपाची झलक सोशल मीडियावरही व्हायरल होत आहे. व्हिडिओमध्ये कॉन्स्टेबल बाहुबली गाडी ओढताना दिसत असून, गाडीत बसलेल्या काही लोकांमुळे गाडीच्या एकूण वजनात आणखी भर पडली आहे.तरीही संपूर्ण ताकदीने ते गाडी ओढत आहेत. दाताने गाडी ओढत त्यांनी आयजी कार्यालयाच्या प्रवेशद्वारातून आत नेली, त्यावेळी इतर अधिकाऱ्यांनी टाळ्या वाजवून त्यांचे कौतुक केले. सुनील बाहुबली हे पोलीस दलात त्यांच्या विलक्षण शक्तीप्रदर्शनासाठी ओळखले जातात.
त्यांनी यापूर्वी केवळ आपल्या दातांचा वापर करून एकाच वेळी सात गाड्या ओढण्याचा विक्रम केला आहे. अनेक सार्वजनिक कार्यक्रमांमध्ये त्यांची ही कला ते सादर करत असतात. त्यांच्या या वैशिष्ट्यपूर्ण आणि अनोख्या क्षमतेमुळे त्यांना’बाहुबली’ हे टोपणनाव मिळाले आहे.
वैशिष्ट्यपूर्ण सेवानिवृत्त निरोप समारंभ
समारंभानंतर बोलताना, निवृत्त आयजी अरविंद सक्सेना यांनी या आपुलकीच्या निरोपाबद्दल पोलीस कर्मचाऱ्यांचे आभार मानले. ते म्हणाले की, “ग्वाल्हेरमधील त्यांच्या कार्यकाळात मिळालेला पाठिंबा, प्रेम आणि आठवणी आपल्या हृदयात कायम राहतील.” या अनोख्या निरोपाचा व्हिडिओ तेव्हापासून सोशल मीडियावर व्हायरल झाला असून, अनेक जण याला पोलीस दलातील आतापर्यंतचा सर्वात वैशिष्ट्यपूर्ण सेवानिवृत्ती निरोप समारंभ म्हणत आहेत.
हेही पहा –
Join Our WhatsApp Community