आंतरराष्ट्रीय फुटबॉलमधून निवृत्तीची घोषणा केल्यानंतर काही आठवड्यांतच दिग्गज खेळाडू लिओनेल मेस्सीचा (Lionel Messi) ऑक्टोबरमध्ये होणाऱ्या मैत्रीपूर्ण सामन्यांसाठी अर्जेंटिनाच्या (Argentina) संघात समावेश करण्यात आला आहे. अर्जेंटिना फुटबॉल असोसिएशनचे अध्यक्ष क्लाउडियो तापिया (Claudio Fabián Tapia) यांनी मेस्सीला राष्ट्रीय संघाकडून निरोप सामना खेळण्यासाठी आमंत्रित केल्याच्या बातमीला दुजोरा दिला आहे.
तापिया यांनी सोशल मीडियावर लिहिले, “आम्ही जगातील सर्वोत्कृष्ट खेळाडू, आमच्या संघाचा आयकॉन आणि कर्णधार लिओनेल मेस्सीला (Lionel Messi) ६ ऑक्टोबर रोजी अर्जेंटिनामध्ये आपल्या संघासाठी एका योग्य निरोप सामन्यात खेळण्यासाठी आमंत्रित केले आहे.”
(हेही वाचा – Brendan Taylor कडून मास्टर-ब्लास्टर सचिन तेंडुलकरचा विक्रम मोडित)
अर्जेंटिना ऑक्टोबरच्या आंतरराष्ट्रीय विंडोदरम्यान तीन घरगुती मैत्रीपूर्ण सामने खेळणार आहे. ६ ऑक्टोबर रोजी ब्युनॉस आयर्स येथे बेनिनविरुद्ध होणाऱ्या सामन्यात मेस्सी खेळण्याची शक्यता आहे. याआधी अर्जेंटिना ३० सप्टेंबरला कॉर्डोबा येथे बोलिव्हियाविरुद्ध आणि ३ ऑक्टोबरला ब्युनॉस आयर्स येथे बुर्किना फासोविरुद्ध दोन हात करेल.
मेस्सीने (Lionel Messi) नुकतीच आंतरराष्ट्रीय फुटबॉलमधून निवृत्ती जाहीर केली होती. त्यामुळे ६ ऑक्टोबरचा सामना त्याच्यासाठी राष्ट्रीय संघाच्या जर्सीतील निरोप सामना ठरू शकतो.
अर्जेंटिनाच्या संघात लिअँड्रो पेरेदेस, नाह्युएल मोलिना आणि थियागो अल्माडा यांचा समावेश नसेल. विश्वचषक फायनलनंतर स्पेनच्या खेळाडूंसोबत झालेल्या वादानंतर या तिघांवरही प्रदीर्घ बंदी घालण्यात आली आहे.
हेही पहा –
Join Our WhatsApp Community