तुर्की येथे भूकंपामुळे पुन्हा एकदा पृथ्वी हादरली आहे. भूकंपामुळे लोक घाबरले. देशाच्या आपत्ती व्यवस्थापन एजन्सीने सांगितले की, गुरुवारी उत्तर तुर्कीला मध्यम तीव्रतेचा भूकंप झाला. त्यामुळे कोणतीही जीवितहानी किंवा नुकसान झाले की नाही हे लगेच स्पष्ट होऊ शकले नाही, मात्र लोकांमध्ये भीतीचे वातावरण निर्माण झाले.
आपत्ती आणि आपत्कालीन व्यवस्थापन प्रेसीडेंसीच्या म्हणण्यानुसार, (Disaster and Emergency Management Presidency) राजधानी अंकारापासून पूर्वेला सुमारे ४५० किलोमीटर (२८० मैल) टोकत प्रांतातील सुलुसराय शहरात ५.६ तीव्रतेचा भूकंप झाला.
आपत्ती आणि आपत्कालिन विभागाने दिलेल्या म्हणण्यानुसार, योजगाटसह शेजारच्या प्रांतामध्ये भूकंपाचे धक्के जाणवले, जिथे एक दोन मजली इमारत कोसळली. टोकाटचे गव्हर्नर नुमा हातिपोग्लू यांनी दिलेल्या माहितीनुसार, सुलुसरायजवळील बुगडेली गावातील अनेक लाकडी घरे आणि कोठारांचे नुकसान झाले.
#BREAKING A 5.6 earthquake has struck northern Turkey province of Tokat, Reuters reports, citing the AFAD agency. pic.twitter.com/ZFYe2OuI1y
— Breaking News (@TheNewsTrending) April 18, 2024
(हेही वाचा – WEH Andheri Bridge : पश्चिम द्रुतगती मार्गावरील अंधेरी उड्डाणपुलाच्या दुरुस्तीवर MMRDAचे दुर्लक्ष, महापालिका करणार १०० कोटींचा खर्च )
गेल्या वर्षीही झाला होता भूकंप…
गेल्या वर्षी दक्षिण तुर्की आणि शेजारच्या सीरियाच्या काही भागांमध्ये ७.८ तीव्रतेचा विनाशकारी भूकंप होऊन ५९,००० हून अधिक लोक मारले गेल्यानंतर एक वर्ष उलटले आहे. हा भूकंप सर्वात प्राणघातक होता. त्याचे केंद्रबिंदू पूर्व ॲनाटोलियन फॉल्टवर (Anatolian Fault) 18 किमी खोलीवर नूरदगीपासून 26 किमी पूर्वेस होते. यूएस भूगर्भीय सर्वेक्षणानुसार, 1970 पासून, या भागात रिश्टर स्केलवर 6.0 च्या वर फक्त तीन भूकंप नोंदवले गेले आहेत.
हेही पहा –
Join Our WhatsApp Community