पाकिस्तानमधून स्फोटाची मोठी बातमी समोर आली आहे. वायव्य पाकिस्तानच्या खैबर पख्तुनख्वा प्रांतात (Khyber Pakhtunkhwa Province) रविवारी, ०२ ऑगस्टला एका शांतता रॅलीदरम्यान झालेल्या स्फोटात अंदाजे १४ जण ठार झाले. तर १८ हून अधिक लोक जखमी झाले. (Pakistan)
(हेही वाचा – DRDO ने बनवले Turbojet Engine; भारताने अमेरिका-रशियाची केली बरोबरी )
खैबर पख्तुनख्वाच्या अधिकाऱ्यांच्या माहितीनुसार, हा स्फोट स्वात जिल्ह्यातील काबल शहरात स्वात शांतता रॅलीदरम्यान (Swat Peace Rally) झाला. स्वात पोलिसांनी सांगितले की, प्राथमिक माहितीनुसार, किमान १४ जणांचा मृत्यू झाला असून १८ हून अधिक जण गंभीर जखमी झाले आहेत.
स्वात अमन जिरगा रॅलीत आत्मघाती हल्ल्याचा संशय
स्वात रॅलीतील स्फोट हा एक आत्मघाती हल्ला असून, याला तात्काळ कोणताही अधिकृत दुजोरा मिळालेला नाही. स्वातमध्ये शांततेची मागणी करण्यासाठी स्वात अमन जिरगा, म्हणजेच स्थानिक आदिवासी परिषदेने, या शांतता रॅलीचे आयोजन केले होते. मात्र, या हल्ल्याची जबाबदारी अद्याप कोणत्याही संघटनेने स्वीकारलेली नाही.
स्वातमधील सुरक्षा परिस्थिती बिघडली
गेल्या काही महिन्यांपासून स्वातमधील सुरक्षा परिस्थिती खालावली आहे. अधिकाऱ्यांच्या माहितीनुसार, बचाव पथकांनी स्फोटात जखमी झालेल्यांना जवळच्या रुग्णालयांमध्ये दाखल केले असून, पोलीस आणि इतर कायद्याची अंमलबजावणी करणाऱ्या यंत्रणांनी परिसर सील केला आहे.
हेही पहा –
Join Our WhatsApp Community