परदेशी बेटिंग ॲप्सचा सुळसुळाट आणि त्यांच्यामागे चालणाऱ्या गैरव्यवहारांवर कठोर कारवाई करताना सक्तवसुली संचालनालय (ED) ने परिमॅच (Parimatch) नावाच्या एका बेकायदेशीर बेटिंग ॲप प्रकरणात देशभरात मोठी मोहीम राबवली आहे. विविध राज्यांमधील १७ ठिकाणांवर छापे टाकून ईडीने या ॲपशी संबंधित ११२ कोटी रुपयांची मालमत्ता जप्त केली असून, यातील बहुतांश रक्कम बँक खात्यांमधून गोठवण्यात आली आहे. या कारवाईमुळे बेकायदेशीर बेटिंगच्या साम्राज्याला मोठा धक्का बसला आहे. (Betting App)
(हेही वाचा – HSRP Number Plate नोंदणीसाठी शेवटचे काही तास शिल्लक; अन्यथा १० हजार दंड भरायला तयार रहा)
बेटिंग ॲप्सच्या गैरव्यवहारांचा पर्दाफाश
गेल्या काही वर्षांपासून ऑनलाइन बेटिंग ॲप्सचा वापर मोठ्या प्रमाणात वाढला आहे. परंतु, या ॲप्सच्या माध्यमातून मोठ्या प्रमाणावर पैशांची अवैध हेराफेरी केली जात असल्याची माहिती ईडीला मिळाली होती. या प्रकरणात ईडीने मनी लाँडरिंगचा तपास सुरू केला होता. या तपासात अनेक धक्कादायक गोष्टी समोर आल्या आहेत. परिमॅच ॲपच्या माध्यमातून अनेक अज्ञात बँक खात्यांमधून कोट्यवधी रुपयांचे व्यवहार झाले आहेत.
बँक खात्यांमधून ३,००० कोटींचे व्यवहार
ईडीच्या प्राथमिक तपासानुसार, केवळ गेल्या एका वर्षात परिमॅच ॲपशी (Parimatch App) संबंधित बँक खात्यांमध्ये तब्बल ३,००० कोटी रुपयांपेक्षा जास्त रकमेचे व्यवहार झाल्याचे आढळून आले आहे. या व्यवहारांचे स्वरूप संशयास्पद असून, यामध्ये हवाला आणि मनी लाँडरिंगचा वापर केला गेल्याचा संशय आहे. ईडीने ही सर्व बँक खाती गोठवून पुढील तपास सुरू केला आहे. या कारवाईमुळे या गैरव्यवहारांमध्ये सहभागी असलेल्या व्यक्तींचा पर्दाफाश होण्याची शक्यता आहे.
(हेही वाचा – कबुतरखाना व मांसबंदीवरून Raj Thackeray आक्रमक; मंत्र्यांवर साधला थेट निशाणा)