Maratha Protest : मराठा आंदोलनामध्ये पडद्याआड नेमकी काय ‘डील’? अखेर मोठा गौप्यस्फोट

• प्रतिनिधी

Maratha Protest : गेल्या काही काळापासून राज्यात मराठा आरक्षण आणि ओबीसी आरक्षण या मुद्द्यांवरून राजकीय वातावरण चांगलेच तापले आहे. दोन्ही बाजूंच्या नेत्यांकडून एकमेकांवर दररोज आरोप-प्रत्यारोपांच्या फैरी झाडल्या जात असून, समाजा-समाजात तेढ निर्माण होऊ नये म्हणून प्रशासनाकडून शांततेचे आवाहन केले जात आहे. मात्र, आंदोलने आणि उपोषणांच्या माध्यमातून तापलेल्या या राजकीय पटलावर पडद्यामागे नेमक्या कोणत्या घडामोडी घडत आहेत, यावर अनेक तर्कवितर्क लावले जात होते.

(हेही वाचा – Beed : बीडकरांच्या वर्षानुवर्षांच्या प्रतिक्षेचा अंत; मराठवाडा मुक्ती संग्रामदिनी नेमकं काय घडलं? )

दरम्यान, आंदोलनाच्या दिशा आणि उपोषणे मागे घेण्याच्या अचानक घेतलेल्या निर्णयांवरून राजकीय वर्तुळात सातत्याने संशय व्यक्त केला जात होता. एका बाजूला आंदोलक आपल्या मागण्यांवर ठाम असल्याचा दावा करत असताना, दुसरीकडे सरकारसोबतच्या चर्चेनंतर अचानक माघार का घेतली जाते, असा प्रश्न उपस्थित होत होता. या संपूर्ण राजकीय नाट्यामागे काही अदृश्य हात कार्यरत आहेत का, अशी चर्चा रंगत असतानाच आता या संशयाला अधिक बळ देणारी माहिती समोर आली आहे.

या सर्व घडामोडींच्या पार्श्वभूमीवर, ओबीसी नेते नवनाथ वाघमारे यांनी अत्यंत खळबळजनक दावा केला आहे. मनोज जरांगे पाटील यांचे आंदोलन पूर्णपणे ‘मॅनेज’ झालेले होते आणि एका मोठ्या आर्थिक अथवा राजकीय ‘डील’नंतरच हे आंदोलन गुंडाळण्यात आले, असा थेट आणि गंभीर आरोप वाघमारे यांनी केला आहे. जरांगे पाटील हे समाजाची दिशाभूल करत असून उपोषणाचे नाटक करून अखेर तडजोड करण्यात आल्याचा घणाघात करत वाघमारे यांनी या प्रकरणावर मोठे प्रश्नचिन्ह उपस्थित केले आहे, ज्यामुळे आता मराठा विरुद्ध ओबीसी वाद आणखी पेटण्याची चिन्हे दिसत आहेत.

हेही पहा –