US Israel airstrikes Iran : खामेनींच्या निधनानंतर इराणमध्ये दोन टोकांचे प्रवाह; एकीकडे आकांत, तर दुसरीकडे स्वातंत्र्याचा नारा!

इराणचे सर्वोच्च नेते अयातुल्ला अली खामेनी यांच्या मृत्यूनंतर देशात मोठी अस्थिरता निर्माण झाली आहे. एका बाजूला शासनविरोधी लोक रस्त्यावर उतरून याला स्वातंत्र्याची संधी असल्याचे सांगत आहेत, तर दुसऱ्या बाजूला शासन समर्थक आपल्या नेत्याच्या निधनामुळे शोकमग्न झाल्याचे दिसून येत आहे.(US Israel airstrikes Iran)

शनिवारी इस्रायल-अमेरिकेकडून इराणची राजधानी तेहरान येथे झालेल्या हल्ल्यात सर्वोच्च नेते अयातुल्ला अली खामेनी यांचा मृत्यू झाल्यानंतर लोकांनी रस्त्यावर उतरून विविध प्रतिक्रिया व्यक्त केल्या. त्यांच्या निधनानंतर इराणमध्ये काही ठिकाणी जल्लोष, तर काही ठिकाणी शोककळा पसरल्याचे दिसत असून, त्यामुळे देशातील तीव्र मतभेद स्पष्ट होत आहेत.(US Israel airstrikes Iran)

खामेनी यांच्या मृत्यूनंतर जगभरातून विविध प्रतिक्रिया उमटत आहेत. इराण, अमेरिका आणि युनायटेड किंगडममधील काही भागांत लोकांनी आनंद व्यक्त केला आहे. तेहरानसह काही शहरांमध्ये लोकांनी रस्त्यावर उतरून त्यांच्या मृत्यूच्या वृत्तावर आनंद व्यक्त केला. अनेकांचे मत आहे की दीर्घकाळ चाललेल्या कठोर राजवटीनंतर आता बदलाची संधी मिळू शकते.(US Israel airstrikes Iran)

(हेही वाचा – पश्चिम आशियात युद्धाचा भडका! S. Jaishankar यांचा इराण-इस्रायली समकक्षांशी फोनवरून चर्चा; शांततेसाठी भारताचा पुढाकार )

दुसरीकडे, सर्वोच्च नेते खामेनी यांच्या निधनानंतर इराणमध्ये अनेक ठिकाणी शोकमय वातावरण आहे. लोक विविध ठिकाणी श्रद्धांजली अर्पण करताना दिसत आहेत. अहवालानुसार, तेहरानमधील एंघेलाब चौकात लोक अयातुल्ला खामेनी यांच्या निधनाबद्दल शोक व्यक्त करत आहेत.(US Israel airstrikes Iran)

खामेनी यांच्या मृत्यूनंतर अमेरिकेचे राष्ट्राध्यक्ष डोनाल्ड ट्रम्प यांनी ही घटना इराणी जनतेसाठी आपला देश परत मिळवण्याची मोठी संधी असल्याचे म्हटले आहे. ट्रम्प यांनी इराणी नागरिकांना “आपला देश परत घ्या” असे आवाहन केले. तसेच, आता इराणशी चर्चा करण्याचा मार्ग अधिक सोपा होईल, असेही त्यांनी सांगितले.(US Israel airstrikes Iran)

दरम्यान, खामेनी यांच्या निधनाच्या पार्श्वभूमीवर भारतातही प्रतिक्रिया उमटल्या. जम्मू-काश्मीरची राजधानी श्रीनगर येथील ऐतिहासिक लाल चौकात शनिवारी काश्मीरी शिया मुस्लिमांनी जोरदार निदर्शने केली. लाल चौकातील निदर्शकांनी हा हल्ला संपूर्ण मानवतेवर आणि सार्वभौमत्वावर झालेला आघात असल्याचे म्हटले. एका तरुण निदर्शकाने सांगितले की, “आम्हाला इराणमधून हे दुःखद वृत्त मिळाले की क्रांतिकारी सर्वोच्च नेते अयातुल्ला अली खामेनी आता आपल्यात राहिले नाहीत.”(US Israel airstrikes Iran)

हेही पहा –