Sunil Gavaskar on Workload Management : गावस्करांचा भारतीय संघाला सल्ला; ‘या’ २ खेळाडूंना घाईने संधी देऊ नका

• ऋजुता लुकतुके

Sunil Gavaskar on Workload Management          अफगाणिस्तानविरुद्धच्या दुसऱ्या टी-२० सामन्यात नितीश कुमार रेड्डीने प्रभावी कामगिरी करत तीन बळी घेतल्यानंतर भारताचे माजी दिग्गज फलंदाज सुनील गावस्कर यांनी भारतीय क्रिकेटच्या भविष्यातील अष्टपैलू खेळाडूंबाबत महत्त्वाचा सल्ला दिला आहे. नितीश कुमार रेड्डी हा वेगवान गोलंदाजी करणारा अष्टपैलू खेळाडू म्हणून भारतासाठी आश्वासक पर्याय असल्याचे गावस्कर यांनी म्हटले. (Sunil Gavaskar on Workload Management)

नितिशने अफगाणिस्तानविरुद्धच्या दुसऱ्या टी-२० सामन्यात २४ धावा देत तीन बळी घेतले. विशेष म्हणजे पहिल्या सामन्यात महागडी गोलंदाजी केल्यानंतर त्याने दुसऱ्या सामन्यात दमदार पुनरागमन केले. त्याच्या या कामगिरीचे गावस्कर यांनी कौतुक केले. नितिशने सुरुवातीला फलंदाज म्हणून आपली ओळख निर्माण केली; मात्र त्याच्यात चांगला अष्टपैलू खेळाडू होण्याची क्षमता असल्याचे गावस्कर यांनी सांगितले. (Sunil Gavaskar on Workload Management)

(हेही वाचा – IPL 2027 Auction : आता दर ४ वर्षांनी आयपीएलचा लिलाव; पुढच्या हंगामात ‘इम्पॅक्ट खेळाडू’ नियमही जाणार?)

याचवेळी गावस्कर यांनी व्यंकटेश अय्यर आणि सूर्यांश शेडगे या दोन युवा अष्टपैलू खेळाडूंचाही उल्लेख केला. हे दोघेही भविष्यात भारतीय संघासाठी उपयुक्त ठरू शकतात, असे त्यांनी म्हटले. मात्र त्यांना लगेच आंतरराष्ट्रीय क्रिकेटमध्ये ढकलण्याऐवजी विकसित होण्यासाठी वेळ देण्याची गरज असल्याचे गावस्कर यांनी स्पष्ट केले. (Sunil Gavaskar on Workload Management)

“त्यांना घाईने संघात आणू नका. त्यांना विकसित होण्यासाठी वेळ द्या आणि एखादा सामना चांगला गेला नाही, तरी त्यांना प्रोत्साहन द्या,” असा सल्ला गावस्कर यांनी दिला. फलंदाज म्हणून संघात स्थान मिळालेल्या या खेळाडूंनी गोलंदाजीवरही अधिक गांभीर्याने लक्ष केंद्रित केले, तर भारताकडे अष्टपैलू पर्यायांची संख्या वाढू शकते, असेही त्यांनी नमूद केले. (Sunil Gavaskar on Workload Management)

(हेही वाचा – High Court: देशातील उच्च न्यायालयात खटले प्रलंबित, ६५ लाखांहून अधिक प्रकरणांचा टप्पा ओलांडला)

भारतीय संघाच्या व्यस्त वेळापत्रकामुळे खेळाडूंवरील ताण आणि दुखापतींचा प्रश्नही सध्या चर्चेत आहे. त्यामुळे युवा खेळाडूंना संधी देताना त्यांचा विकास, सातत्य आणि योग्य वेळ यांचा विचार करणे महत्त्वाचे ठरणार आहे. (Sunil Gavaskar on Workload Management)

हेही पहा –