Indian Women Cricket Team : आशियाई खेळांसाठी महिला क्रिकेट संघ जपानमध्ये दाखल; अमोल मुझुमदारने दिला प्रतिस्पर्ध्यांना इशारा

• ऋजुता लुकतुके

Indian Women Cricket Team             आशिया चषकात विजेतेपद पटकावल्यानंतर भारतीय महिला क्रिकेट संघ आता आशियाई खेळांमध्ये सुवर्णपदका आपल्याकडे राखण्यासाठी जपानमध्ये दाखल झाला आहे. २०२३च्या हांगझोऊ एशियन गेम्समध्ये भारताने महिला क्रिकेटमध्ये सुवर्णपदक जिंकले होते. आता आयची-नागोया येथे होणाऱ्या स्पर्धेत हे यश कायम राखण्याचे भारतीय संघासमोर आव्हान आहे. (Indian Women Cricket Team)

मुख्य प्रशिक्षक अमोल मुझुमदार यांनी जपानमध्ये पोहोचल्यानंतर संघामध्ये कमालीचा उत्साह असल्याची भावना व्यक्त केली. देशासाठी खेळण्याचा हा उत्साह आहे आणि विविध क्रीडाप्रकार एका छताखाली असल्यामुळे स्पर्धेचं महत्त्वही मोठं आहे आणि या आव्हानासाठी खेळाडू सज्ज असल्याचे त्यांनी सांगितले. भारतीय संघासाठी ही स्पर्धा केवळ आणखी एक क्रिकेट स्पर्धा नसून, मागील आशियाई खेळांमधील सुवर्णपदकाचा बचाव करण्याची संधी आहे. (Indian Women Cricket Team)

भारतीय महिला संघाचा आत्मविश्वास सध्या उंचावलेला आहे. नुकत्याच झालेल्या महिला आशिया चषकाच्या अंतिम सामन्यात भारताने श्रीलंकेचा ७२ धावांनी पराभव करत आठव्यांदा चषकावर नाव कोरले. या विजयात स्मृती मानधना आणि शेफाली वर्मा यांच्या फलंदाजीसोबत श्री चरणीच्या प्रभावी गोलंदाजीची महत्त्वाची भूमिका होती. (Indian Women Cricket Team)

(हेही वाचा – Ganpatipule Dress Code: प्रसिद्ध गणपतीपुळे मंदिरात भाविकांसाठी वस्त्रसंहिता बंधनकारक; असभ्य भाषा, छोट्या कपड्यांवर बंदी; अंंमलबजावणी कधीपासून?)

मात्र, आशिया चषकाच्या अंतिम सामन्यानंतर झालेल्या पदक वितरणाच्या वादानंतर भारतीय संघाचे लक्ष आता पूर्णपणे पुढील आव्हानाकडे आहे. पाकिस्तान क्रिकेट बोर्डाचे अध्यक्ष आणि आशियाई क्रिकेट परिषदेचे अध्यक्ष मोहसिन नक्वी यांच्या हस्ते करंडक स्वीकारण्यास भारतीय संघाने नकार दिला होता. या निर्णयाला बीसीसीआयचा पाठिंबा असल्याचे मुझुमदारांनी स्पष्ट केले होते. आता आशियाई खेळांच्या मैदानावर या वादापेक्षा कामगिरीवर लक्ष केंद्रित करण्याचे आव्हान संघासमोर आहे. (Indian Women Cricket Team)

आशियाई खेळांमध्ये महिला क्रिकेटची सुरुवात १७ सप्टेंबरपासून होत असून, भारतीय संघाला थेट उपांत्यपूर्व फेरीत प्रवेश मिळाला आहे. भारताची पहिली लढत २८ सप्टेंबरला होणार आहे. अंतिम सामन्यात स्थान मिळवल्यास २०२३मध्ये मिळवलेल्या सुवर्णपदकाचा बचाव करण्यासाठी भारतीय संघाला पुन्हा एकदा निर्णायक सामना खेळावा लागेल. (Indian Women Cricket Team)

२०२६ची आशियन स्पर्धा १९ सप्टेंबर ते ४ ऑक्टोबर या कालावधीत आयची-नागोया येथे होत आहे. भारताने मागील स्पर्धेत एकूण १०७ पदके जिंकत ऐतिहासिक कामगिरी केली होती. त्यामुळे यंदाच्या स्पर्धेतही भारतीय महिला क्रिकेट संघाकडून सुवर्णपदकाच्या पुनरावृत्तीची अपेक्षा आहे. (Indian Women Cricket Team)

हेही पहा –