Asian Games 2026 India Scores : आशियाई क्रीडा स्पर्धा 2026 मध्ये भारताच्या पदकतालिकेत आणखी एका पदकाची भर पडली आहे. भारतीय मिश्र मार्शल आर्ट्स (MMA) खेळाडू सुचिका तारियालने महिलांच्या ट्रेडिशनल 60 किलो वजनी गटात कांस्यपदक जिंकून इतिहास रचला. MMAचा आशियाई क्रीडा स्पर्धेत यंदा प्रथमच समावेश झाला असून, सुचिका या खेळात भारताला पदक मिळवून देणारी पहिली भारतीय खेळाडू ठरली आहे.
उपांत्य फेरीत नाट्यमय निकाल
सुचिकाचा उपांत्य फेरीत सिंगापूरच्या हुई हून टेओ हिच्याशी सामना झाला. अत्यंत चुरशीच्या या लढतीनंतर सुरुवातीला टेओला विजेती घोषित करण्यात आले. मात्र, भारतीय संघाने या निर्णयाला आव्हान दिल्यानंतर सामन्याची पुन्हा समीक्षा करण्यात आली आणि निकाल ड्रॉ असल्याचे ठरले. यानंतर विजेती निश्चित करण्यासाठी स्पर्धेतील नियमांनुसार खेळाडूंच्या सकाळच्या वजनाचा आधार घेण्यात आला. (Asian Games 2026 India Scores)
हेही वाचा: Tukaram Mundhe Transfer : बदलीच्या चर्चांवर तुकाराम मुंढेंचं मोठं वक्तव्य; म्हणाले, “बदली झालीच तर…”
टेओ सुचिकापेक्षा सुमारे 700 ग्रॅम हलकी असल्याने तिला अंतिम फेरीत प्रवेश देण्यात आला. त्यामुळे सुचिकाचे सुवर्णपदकाचे स्वप्न संपले; मात्र उपांत्य फेरी गाठल्यामुळे तिचे कांस्यपदक निश्चित झाले होते.
पहिल्या फेरीत सुचिकाचा दमदार खेळ
सामन्याच्या सुरुवातीला सुचिकाने आक्रमक आणि नियंत्रित खेळ केला. तिने आपल्या जूडो कौशल्याचा प्रभावी वापर करत टेओला जमिनीवर घेतले आणि काही जोरदार प्रहार केले. (Asian Games 2026 India Scores)
मात्र, सिंगापूरच्या खेळाडूने त्यातून सावरत प्रतिहल्ला केला. पुढील फेरीत टेओने आक्रमकता वाढवत सुचिकावर दबाव निर्माण केला. सुचिकानेही हार न मानता प्रतिकार केला आणि सामन्यात पुनरागमन करण्याचा प्रयत्न केला.
सामन्याच्या अखेरच्या टप्प्यात दोन्ही खेळाडूंमध्ये चांगलीच चुरस पाहायला मिळाली. निर्णायक क्षणी सुचिकाने सलग काही हल्ले करत टेओला अडचणीत आणले. (Asian Games 2026 India Scores)
अंतिम बजर वाजत असतानाच सुचिकाने टेओला जमिनीवर पाडले. मात्र, त्यानंतर पंचांनी दोन्ही खेळाडूंना वेगळे केले. सुरुवातीच्या निर्णयानंतर भारतीय संघाने निकालाला आव्हान दिले आणि त्यानंतर सामना ड्रॉ असल्याचे निश्चित झाले.
700 ग्रॅमने बदलला सामन्याचा निकाल
सामना ड्रॉ झाल्यानंतर विजेती निश्चित करण्यासाठी वजनाचा नियम लागू झाला. या नियमात सकाळच्या वजनात जो खेळाडू हलका असेल, त्याला विजय दिला जातो. (Asian Games 2026 India Scores)
यावेळी टेओचे वजन सुचिकापेक्षा सुमारे 700 ग्रॅम कमी होते. त्यामुळे टेओला अंतिम फेरीचे तिकीट मिळाले आणि सुचिकाला कांस्यपदकावर समाधान मानावे लागले.
निकालानंतर सुचिका भावुक
निकाल जाहीर झाल्यानंतर सुचिका प्रचंड भावुक झाली. तिला अंतिम फेरीत पोहोचल्याचा विश्वास होता. मात्र, वजनाच्या नियमामुळे निकाल तिच्या बाजूने लागला नाही. (Asian Games 2026 India Scores)
निकालानंतर ती काही वेळ मॅटवरच बसून राहिली आणि तिच्या डोळ्यांत अश्रू आले. सुरुवातीला तिने प्रतिस्पर्धी खेळाडू आणि पंचांशी हस्तांदोलन करण्यासाठी पुढे जाण्यासही नकार दिला. नंतर तिच्या प्रशिक्षकांनी तिला समजावले.
सुचिकाने उपांत्य फेरीत पोहोचण्यापूर्वी मंगोलियाच्या अल्तानचिमेग बायगलमाला 2-0 असे पराभूत केले होते. या विजयासह तिने अंतिम चारमध्ये प्रवेश केला आणि भारताचे MMAमधील पहिले पदक निश्चित केले होते. (Asian Games 2026 India Scores)
हेही पाहा:
Join Our WhatsApp Community