निकृष्ट (सदोष) दर्जाची औषधे ऑनलाईन फार्मसीद्वारे विकत घेतलेल्या एका ग्राहकाला ४५ दिवसांच्या आत १ लाख रुपयांची नुकसान भरपाई देण्याचे आदेश देण्यात आले आहेत. पुणे अतिरिक्त जिल्हा ग्राहक तक्रार निवारण आयोगाकडून ऑनलाइन फार्मास्युटिकल कंपनी आणि इतर ५ संस्थांना ऑनलाइन विक्रीद्वारे ग्राहकाला निकृष्ट औषधे प्राप्त झाल्यामुळे नुकसानभरपाई देणे बंधनकारक केले आहे. (PUNE)
खेसे पार्कमध्ये राहणारे आयटी सल्लागार पंकज जगसिया (४५) यांनी केलेल्या तक्रारीच्या निकालादरम्यान अध्यक्ष जयंत देशमुख आणि सदस्य प्रणाली सावंत आणि शुभांगी दुनाखे यांच्या तीन सदस्यीय खंडपीठाने हे निर्देश दिले.
१६ ऑक्टोबर २०१९ला ग्राहक तक्रार निवारण आयोगाकडे यासंदर्भात तक्रार सादर करण्यात आली होती. या तक्रारीत पंकज जगसिया यांनी असे म्हटले आहे की, www.netmeds.com या ऑनलाइन मॅक्लिओड्स फार्मसीद्वारे त्यांच्या वृद्ध आईसाठी औषधे खरेदी केल्याचा तपशील दिला. २२ सप्टेंबर २०१९ला औषधे मिळाल्यानंतर, जगासिया यांच्या लक्षात आले की, १० फोलिझॉर्ब कॅप्सूल असलेल्या एका पॅकेटला बुरशी लागली आहे. ग्राहक सेवा चॅनेल्सद्वारे (customer service channel) या समस्येचे निराकरण करण्याचा प्रयत्न करूनही जगासियाला समाधानकारक उत्तर मिळाले नाही.
(हेही वाचा – Buldhana: बुलढाणा, मध्यप्रदेशच्या सीमावर्ती भागात पोलिसांची मोठी कारवाई; चार पिस्तुलसह जिवंत काडतुसे जप्त )
जगासिया यांनी यासंदर्भात अन्न आणि औषध प्रशासनाकडे तक्रार केली. त्यांनी केलेल्या तक्रारीनंतर, अन्न आणि औषध प्रशासन (FDA)ने औषधांची तपासणी केली. जगासिया यांनी तपासणी केलेल्या सर्व १० कॅप्सूलमध्ये बुरशीजन्य घटक आढळल्याविषयीचे सर्व पुरावे प्रशासनाकडे सादर केले. जगासिया यांनी या सदोष औषधांमुळे त्यांच्या ७२ वर्षीय आईच्या जीवाला धोका निर्माण होण्याची शक्यता असल्याबाबतही प्रशासनाला सांगितले. आयोगाने सहाही प्रतिवादींना नोटिसा बजावल्या असूनही, कोणीही लेखी प्रतिसाद दिलेला नाही. खंडपीठाने बुरशीजन्य आणि निकृष्ट औषधांची छायाचित्रे आणि खरेदी पावतीसह पुराव्यांचा आढावा घेतल्यानंतर जगसिया यांची बाजू ऐकून घेतली. FDAअहवालात जगसिया यांनी केलेले दावे योग्य असल्याचे प्रमाणित करण्यात आले शिवाय बुरशीजन्य दूषिततेशी संबंधित महत्त्वाच्या मुद्द्यावरही यावेळी प्रकाश टाकण्यात आला.
स्थानिक औषध विक्रेत्यांकडून औषधे घ्या…
आपल्या निर्णयात, आयोगाने ऑनलाइन फार्मास्युटिकल कंपनीला खटल्याच्या शुल्कापोटी ५,००० रुपयांव्यतिरिक्त जगसिया यांना ४५ दिवसांच्या आत १ लाख रुपये नुकसानभरपाई देण्याचे आदेश दिले.या निकालाला प्रतिसाद म्हणून, पुणे जिल्ह्याच्या केमिस्ट असोसिएशनचे महेंद्र पिटलिया यांनी नागरिकांना ऑनलाइन औषध खरेदीपासून सावध राहा तसेच आणि ग्राहकांचे आरोग्य आणि सुरक्षितता धोक्यात आणणाऱ्या गैरप्रकारांचा धोका कमी करण्यासाठी स्थानिक केमिस्टची निवड करण्याचे आवाहन केले.
अंमली पदार्थ विक्रेते?
मुंबईस्थित मॅक्लिओड्स फार्मास्युटिकल्स लिमिटेड आणि तिचे संचालक बनवारीलाल मुरलीधर बावरी आणि राजेंद्र मुरलीधर अग्रवाल, तमिळनाडूस्थित Netmeds.com,प्लॅनेट फार्मा वेअरहाऊस प्रायव्हेट लिमिटेड आणि धायरी येथील अमृत कलश यांचा समावेश होता. हे सर्व अंमली पदार्थ विक्रेते असल्याची माहिती समोर आली आहे.
हेही पहा –
Join Our WhatsApp Community