-
प्रतिनिधी
Police Gharkul Yojana राज्यातील कायदा आणि सुव्यवस्था राखण्यासाठी अहोरात्र सेवा बजावणाऱ्या पोलीस दलासाठी एक अत्यंत दिलासादायक आणि मोठी बातमी समोर आली आहे. कर्तव्य बजावताना स्वतःच्या हक्काच्या घरासाठी वर्षानुवर्षे प्रतीक्षा करणाऱ्या ५,४५९ पोलीस कर्मचाऱ्यांच्या घरांचा मार्ग आता मोकळा झाला आहे. त्यांच्या घरबांधणी अग्रीमासाठी (House Building Advance) तब्बल १,७६८.०८ कोटी रुपयांचा भरघोस निधी मंजूर करण्यात आला असून, यामुळे पोलीस वसाहतींमध्ये आनंदाचे वातावरण आहे. (Police Gharkul Yojana)
(हेही वाचा – NEET सारख्या परीक्षा रद्द होणे लाखो विद्यार्थ्यांच्या मानसिक आरोग्याच्या दृष्टीने गंभीर)
या निर्णयामागे पोलिसांच्या कल्याणाचा दीर्घकालीन दृष्टिकोन असून, २०१४ ते २०१९ या काळात राबवण्यात आलेली व्याजसवलत अनुदान योजना पुन्हा एकदा पूर्ण क्षमतेने कार्यान्वित झाल्याचे स्पष्ट होत आहे. मधल्या काळात ही योजना खंडित झाली होती, मात्र पोलिसांच्या गृहनिर्माणाची निकड लक्षात घेऊन ती पुन्हा सुरू करण्यात आली. (Police Gharkul Yojana)
(हेही वाचा – मुख्यमंत्री होताच Thalapathy Vijay यांनी तळीरामांवर लावला लगाम; मद्यविक्रीबाबत मोठा निर्णय)
महाराष्ट्र राज्य पोलीस गृहनिर्माण व कल्याण महामंडळाकडे प्राप्त झालेल्या प्रस्तावांची पडताळणी करून या ऐतिहासिक निधीला मान्यता देण्यात आली आहे. हक्काचे छप्पर मिळाल्यामुळे पोलीस दल अधिक जोमाने आणि निश्चिंतपणे जनतेच्या सुरक्षेसाठी कार्य करू शकेल, असा विश्वास व्यक्त केला जात आहे. विशेष म्हणजे, एकाच वेळी इतक्या मोठ्या प्रमाणावर निधी वितरित झाल्याने प्रलंबित घरांचे प्रश्न आता मार्गी लागणार आहेत. (Police Gharkul Yojana)
हेही पहा –
Join Our WhatsApp Community