Mehbooba Mufti यांनी तिरंगा उलटा पकडून केला देशद्रोह; भारतविरोधी भूमिका घेतल्याचा त्यांचा इतिहास

जम्मू आणि काश्मीरच्या माजी मुख्यमंत्री आणि पीडीपी प्रमुख मेहबूबा मुफ्ती (Mehbooba Mufti) यांची भारतविरोधी आणि राष्ट्रविरोधी भूमिका काही गुपित नाही. त्या अनेकदा राष्ट्रीय भावना दुखावणाऱ्या कृतींमध्ये सहभागी झालेल्या दिसतात. त्यांनी सातत्याने ५ ऑगस्ट हा ‘काळा दिवस’ म्हणून पाळला आहे आणि कलम ३७० रद्द करण्याच्या विरोधात आंदोलन केले आहे. पण यावेळी, आंदोलनाच्या नावाखाली केलेल्या त्यांच्या कृतीने संपूर्ण देश संतप्त झाला. श्रीनगरमधील त्यांच्या पक्षाच्या कार्यालयाबाहेर झालेल्या आंदोलनादरम्यान, मेहबूबा मुफ्ती यांनी भारताचा राष्ट्रध्वज तिरंगा चक्क  उलटा पकडून देशद्रोह केला. या लज्जास्पद कृत्याचा व्हिडिओ सोशल मीडियावर वाऱ्यासारखा पसरला, ज्यामुळे त्यांच्या विचारधारेवर गंभीर प्रश्न निर्माण झाले आहेत.

मेहबूबा मुफ्ती (Mehbooba Mufti) यांच्या कृतीला केवळ एक चूक मानले जाऊ शकत नाही, कारण त्यांचा पूर्वेतिहास भारतविरोधी विधानांनी भरलेला आहे. भारतीय हवाई दलाच्या हवाई हल्ल्यावर प्रश्नचिन्ह उपस्थित करणे असो, एअर इंडियाच्या ‘जय हिंद’ म्हणणाऱ्या परिपत्रकाची खिल्ली उडवणे असो, किंवा देशाच्या राष्ट्रीय चिन्हांचा अनादर करणे असो, त्यांनी प्रत्येक संधीवर आपली क्षुद्र मानसिकता दाखवून दिली आहे.

याच दिवशी, ५ ऑगस्टला मोदी सरकारने कलम ३७० रद्द केले, जो देशासाठी एक ऐतिहासिक टप्पा होता आणि या जाचक कायद्यापासून लाखो नागरिकांना दिलासा दिला. तथापि, काही डाव्या आणि कट्टरपंथीयांना हे पचवता आले नाही आणि त्यांनी मोठ्या प्रमाणावर याचा निषेध केला. काश्मीरमध्ये, मेहबूबा मुफ्ती Mehbooba Mufti) आणि ओमर अब्दुल्ला यांच्यासारख्या पक्षाच्या सदस्यांनी मोठा गदारोळ केला. तथापि, कलम ३७० रद्द झाल्याने काश्मीरमधील अनेक नागरिकांनी जो आनंद साजरा केला, त्याच्याशी मेहबूबा मुफ्ती  (Mehbooba Mufti)  यांचा काहीही संबंध नव्हता.

(हेही वाचा Delimitation Bill मंजूर करण्यासाठी सरकार संसदेचे विशेष अधिवेशन बोलावणार?)

आजही मेहबूबा मुफ्ती (Mehbooba Mufti) यांची तीच वृत्ती दिसून येते. मेहबूबा मुफ्तींनी कलम ३७० रद्द करण्याला काळा कायदा म्हटले. इतकेच नाही, तर मेहबूबा मुफ्ती तिरंगा उलटा धरून आंदोलन करत असल्याचा एक व्हिडिओही तुम्हाला आढळेल. यातून राष्ट्राच्या सन्मानाबद्दल त्यांच्या मनात असलेला द्वेष आणि अनादर स्पष्टपणे दिसून येतो.

तिरंग्याचा अपमान केल्याबद्दल काय शिक्षा दिली जाते?

आपल्या राष्ट्रध्वजाचा अपमान करणे हा एक अत्यंत गंभीर आणि अजामीनपात्र गुन्हा आहे. राष्ट्रध्वजाची प्रतिष्ठा जपण्यासाठी भारताच्या संविधानाने आणि कायद्यांनी कठोर नियम स्थापित केले आहेत. ‘राष्ट्रीय सन्मानाचा अपमान प्रतिबंधक कायदा, १९७१’ नुसार, जो कोणी राष्ट्रध्वजाचा किंवा संविधानाचा अपमान करतो, त्याला विद्रूप करतो, जाळतो किंवा जाणूनबुजून अनादर करतो, त्याला कठोर शिक्षा दिली जाते. या कायद्याच्या कलम २ मध्ये तीन वर्षांपर्यंत तुरुंगवास, मोठा दंड किंवा दोन्ही शिक्षांची तरतूद आहे.

‘भारताची ध्वज संहिता, २००२’ मध्ये तिरंग्याच्या फडकावण्याबाबत, वापराबाबत आणि आकाराबाबतही कठोर नियम आहेत. यानुसार, तिरंगा नेहमी आयताकृती आकाराचा असावा, ज्याची लांबी-रुंदीचे प्रमाण ३:२ असेल. तिरंगा कधीही फाटलेला, घाणेरडा किंवा उलटा फडकवला जाऊ नये. याशिवाय, ध्वजावर काहीही लिहिणे, त्याला जमिनीला स्पर्श करू देणे किंवा इतर कोणत्याही प्रकारे त्याचा वापर करणे हा देखील कायदेशीर गुन्हा आहे. मेहबूबा मुफ्ती (Mehbooba Mufti)  यांनी तिरंगा उलटा धरण्याची कृती ही राष्ट्रीय सन्मानाचा अपमान प्रतिबंधक कायद्याचे स्पष्ट उल्लंघन आहे आणि सोशल मीडियावर कायदेशीर कारवाईची मागणी जोर धरत आहे.

सोशल मीडियावर मेहबूबा मुफ्ती यांच्या विरोधात जनतेचा संताप

 काही जण मेहबूबा मुफ्ती यांना तिरंगा कसा धरायचा हे शिकवत आहेत, तर काही जण याला भारतविरोधी कृत्य म्हणत आहेत. इतकेच नाही, तर काहींनी मेहबूबा मुफ्ती (Mehbooba Mufti)  यांना शिक्षा देण्याची मागणी केली आहे.