Lok Sabha Election 2024 : पहिल्या टप्प्यात भाजपाची जोरदार तयारी; उत्तर प्रदेशातील ‘त्या’ जागा आहेत लक्ष्य

लोकसभा निवडणुकीच्या पहिल्या टप्प्यातील १०२ जगावरील निवडणुकीचा प्रचार बुधवारी थांबणार आहे. उत्तर प्रदेश आणि मध्य प्रदेशसह २१ राज्यांमध्ये १९ एप्रिल रोजी मतदान होणार आहे. उत्तर प्रदेशात ८ जागांवर मतदान होणार असून निवडणुकीच्या या पहिल्या टप्यात भाजपाला संघर्ष करावा लागत आहे. राज्यातील ज्या आठ जागांसाठी निवडणूक होणार आहे, त्यापैकी २०१९ च्या लोकसभा निवडणुकीत भाजपाने पाच जागा गमावल्या होत्या. यावेळी भाजपाने या जागा जिंकण्यासाठी जोर लावला आहे. (Lok Sabha Election 2024)

लोकसभा निवडणुकीत उत्तर प्रदेशातील सर्व ८० जागा जिंकण्याचे भाजपाचे उद्दिष्ट आहे, परंतु त्यांच्यासमोर आव्हानांचा डोंगर उभा आहे. २०१९ च्या पहिल्या टप्प्यात भाजपाने आठपैकी पाच जागा गमावल्या होत्या. मात्र, गेल्या निवडणुकीत सपासोबत असलेला आरएलडी यावेळी एनडीएसोबत आहे. (Lok Sabha Election 2024)

निवडणुकीचे तापमान वाढले आहे

पंतप्रधान नरेंद्र मोदींच्या दोन सभांनंतर मुख्यमंत्री योगी आदित्यनाथ आणि आरएलडी अध्यक्ष जयंत चौधरी आणि इतरांच्या जाहीर सभांमुळे निवडणुकीचे तापमान वाढले आहे. माजी मुख्यमंत्री मायावती आणि अखिलेश यादव हेही पश्चिमेला आकर्षित करण्यासाठी पोहोचले आहेत. २०१९ मध्ये, सहारनपूरची जागा बसपच्या फजलुर रहमान यांनी भाजपाच्या राघव लखनपनकडून एसपी-आरएलडीच्या पाठिंब्याने हिसकावून घेतली होती. केंद्रीय मंत्री अश्विनी वैष्णव यांनी सहारनपूर, बिजनौर आणि नगीना या गमावलेल्या जागा जिंकण्यासाठी रणनीति तयार केली आहे. शिवाय राघवने सर्व शक्ती पणाला लावली आहे. (Lok Sabha Election 2024)

(हेही वाचा – Rohingya Muslim : म्यानमारमध्ये रोहिंग्या मुस्लिमांनी 1600 हिंदूंना ठेवले ओलिस; लष्करच रोहिंग्यांना देत आहेत मोकळीक)

कैरानामधील मनोरंजक सामना

ध्रुवीकरणाचे वारे थांबवण्यासाठी काँग्रेसचे उमेदवार इम्रान मसूद हिंदू मतदारांशी संबंध अधिक घट्ट करत आहेत. 2019 मध्ये भाजपचे प्रदीप चौधरी कैराना येथून विजयी झाले होते. भाजपाने त्यांना पुन्हा तिकीट दिले आहे. काँग्रेसच्या पाठिंब्याने सपाच्या तिकिटावर २७ वर्षीय इकरा हसनची मेहनत आणि संपर्क यामुळे निवडणूक रंजक बनली आहे. (Lok Sabha Election 2024)

शामलीमध्ये भाजपाच्या उमेदवाराला विरोध आहे. २०१४ पासून मुझफ्फरनगरवर भाजपाचे डॉ. संजीव बल्यान यांचा ताबा आहे, मात्र यावेळी ठाकूरांची नाराजी हे त्यांच्यासमोर मोठे आव्हान आहे. सपा उमेदवार हरेंद्र मलिक हे मुस्लिम, जाट आणि बालियांवर नाराज मतदारांना आकर्षित करण्यात व्यस्त आहेत. (Lok Sabha Election 2024)

पिलीभीतचा नवा चेहरा

बिजनौरमध्ये भाजपच्या पाठिंब्याने आरएलडीच्या तिकिटावर निवडणूक लढवणाऱ्या चंदन चौहान यांची भक्कम व्होट बँक असल्याचे दिसते. नगीनामध्ये भाजपाचे ओम कुमार आणि आझाद समाज पक्षाचे अध्यक्ष चंद्रशेखर हेही रिंगणात आहेत. २०१९ मध्ये डॉ. एसटी हसन यांनी भाजपाच्या सर्वेश सिंह यांच्याकडून मुरादाबादची जागा हिसकावून घेतली होती. भाजपाने सर्वेश यांना पुन्हा उमेदवारी दिली, पण आझम खान यांच्या दबावाखाली सपाने हसन यांचे तिकीट कापून बिजनौरच्या माजी आमदार रुची वीरा यांना दिले. (Lok Sabha Election 2024)

रामपूरमधून भाजपाने खासदार घनश्याम लोधी यांना पुन्हा उमेदवारी दिली आहे. पिलीभीतची जागा मेनका आणि वरुण गांधी यांच्याकडे ३५ वर्षे होती, मात्र यावेळी भाजपाने योगी सरकारचे कॅबिनेट मंत्री जितिन प्रसाद यांना उमेदवारी दिली आहे. त्यांच्यासमोर सपाने माजी मंत्री भागवत सरन यांना तर बसपाने माजी मंत्री अनीस अहमद यांना उमेदवारी दिली आहे. येथील मुस्लिम मतांच्या विभाजनामुळे भाजपाच्या आशा पल्लवित होणार आहेत. (Lok Sabha Election 2024)

हेही पहा –