Amit Shah : CAA मागे घेण्याचा प्रश्नच येत नाही

आपल्या देशात भारतीय नागरिकत्व सुनिश्चित करणे हा आमचा सार्वभौम अधिकार आहे, आम्ही त्यावर कधीही तडजोड करणार नाही आणि सीएए कधीही परत घेतला जाणार नाही, असे केंद्रीय गृहमंत्री अमित शाह (Amit Shah) यांनी एएनआयला दिलेल्या मुलाखतीत सांगितले.

(हेही वाचा – Kisan Mahapanchayat : दिल्ली पोलिसांची किसान महापंचायतला सशर्त परवानगी)

वादग्रस्त नागरिकत्व (दुरुस्ती) कायदा किंवा सीएएचे नियम या आठवड्याच्या सुरुवातीला अधिसूचित करण्यात आले होते, ज्यावर विरोधी पक्षांकडून टीका करण्यात आली. (Amit Shah)

विरोधी पक्षांची सत्तेत येण्याची शक्यता कमी :

सत्तेवर आल्यास कायदा रद्द करण्याच्या इंडी आघाडीच्या नेत्यांच्या वक्तव्यांबद्दल विचारले असता गृहमंत्री म्हणाले की, विरोधी पक्षांना देखील माहित आहे की ते सत्तेत येण्याची शक्यता कमी आहे.

नरेंद्र मोदी यांच्या नेतृत्वाखालील सरकारने सीएए कायदा आणला :

“इंडी आघाडीलाही माहीत आहे की ते सत्तेत येणार नाहीत. भाजपाने पंतप्रधान नरेंद्र मोदी यांच्या नेतृत्वाखालील सरकारने सीएए कायदा आणला आहे. तो रद्द करणे अशक्य आहे. ज्यांना तो रद्द करायचा आहे त्यांना सत्ता मिळणार नाही, यासाठी आम्ही संपूर्ण देशात जनजागृती करू “, असे अमित शहा (Amit Shah) म्हणाले.

(हेही वाचा – Cabinet Decision : मराठी भाषा ज्ञान व रोजगाराची भाषा म्हणून प्रस्थापित करणार – मंत्री दीपक केसरकर)

या वादग्रस्त कायद्याच्या माध्यमातून भारतीय जनता पक्ष नवी मतपेढी तयार करत असल्याच्या विरोधकांच्या आरोपांची त्यांनी खिल्ली उडवली.

विरोधी पक्षाकडे दुसरे काम नाही – अमित शाह

‘विरोधी पक्षाकडे दुसरे काम नाही. त्यांना एक गोष्ट सांगण्याचा आणि दुसरी करण्याचा इतिहास आहे. मात्र, पंतप्रधान मोदी आणि भाजपचा इतिहास वेगळा आहे. भाजपा किंवा पंतप्रधान मोदी जे बोलतात ते दगडावर कोरले जाते. मोदींनी दिलेल्या प्रत्येक आश्वासनाची पूर्तता केली जात आहे, असे शहा (Amit Shah) म्हणाले.

मोदी सरकार ने शरणार्थियों की 75 साल की वेदना का अंत किया। pic.twitter.com/XZV9JW0iC9

— Amit Shah (Modi Ka Parivar) (@AmitShah) March 14, 2024

दहशतवादाविरोधात कारवाई करू नये का?

“विरोधकांनी सर्जिकल स्ट्राईक आणि हवाई हल्ल्यांमध्ये राजकीय फायदा असल्याचेही आरोप केले. त्यामुळे आपण दहशतवादाविरोधात कारवाई करू नये का? असा सवाल शाह (Amit Shah) यांनी केला आहे.

(हेही वाचा – Election Bonds : निवडणूक रोख्यांच्या आकडेवारीचा तपशील ‘वेळेवर’ जाहीर केला जाईल – मुख्य निवडणूक आयुक्त राजीव कुमार)

काय म्हणाले अमित शाह ?

“राहुल गांधी, ममता किंवा केजरीवाल यांच्यासह सर्व विरोधी पक्ष खोट्याचे राजकारण करत आहेत. शाह (Amit Shah) यांनी पुन्हा सांगितले की, भाजपाने सीएएबाबत आपला हेतू पारदर्शकपणे आधीच स्पष्ट केला होता. त्यांनी निदर्शनास आणून दिले की पक्षाने २०१९ च्या जाहीरनाम्यात सीएए आणण्याची आणि पाकिस्तान, बांगलादेश आणि अफगाणिस्तानमधील निर्वासितांना भारतीय नागरिकत्व देण्याची वचनबद्धता दर्शविली होती.

कोविडमुळे विलंब झाला :

भाजपाचा स्पष्ट अजेंडा आहे आणि त्या आश्वासनाखाली २०१९ मध्ये संसदेच्या दोन्ही सभागृहांमध्ये नागरिकत्व (दुरुस्ती) विधेयक मंजूर करण्यात आले. कोविडमुळे त्याला विलंब झाला. निवडणुकीत पक्षाला जनादेश मिळण्यापूर्वीच भाजपाने आपला अजेंडा स्पष्ट केला होता.नियम ही आता औपचारिकता झाली आहे. वेळेचा, राजकीय फायद्याचा किंवा तोट्याचा प्रश्नच उद्भवत नाही. आता विरोधकांना तुष्टीकरणाचे राजकारण करून आपली मतपेढी मजबूत करायची आहे. मी त्यांना विनंती करू इच्छितो की त्यांचा पर्दाफाश झाला आहे. सीएए हा संपूर्ण देशासाठी कायदा आहे आणि तो प्रत्यक्षात येईल, असे मी चार वर्षांत अनेकदा सांगितले आहे “, असे ते (Amit Shah) म्हणाले.

हेही पहा –