-
प्रतिनिधी
BJP : राज्यातील राजकीय वातावरण सध्या विविध आरोप-प्रत्यारोपांनी चांगलेच ढवळून निघाले आहे. सत्ताधारी आणि विरोधकांमध्ये रोज नवनवीन मुद्द्यांवरून खडाजंगी पाहायला मिळत असून, एकमेकांच्या जुन्या प्रकरणांची उकल करत राजकीय कोंडी करण्याचे प्रयत्न सुरू आहेत. अशातच विरोधकांकडून उपस्थित केल्या जाणाऱ्या प्रत्येक मुद्द्यावर सत्ताधारी पक्षाकडूनही तितक्याच आक्रमकपणे प्रत्युत्तर दिले जात असून, वैयक्तिक हल्ले आणि अंतर्गत हेवेदाव्यांवरून राजकीय वर्तुळात प्रचंड खळबळ उडाली आहे.
(हेही वाचा – Umpire Pay Hike : बीसीसीआयची पंचांसाठी मोठी भेट; मानधनात वाढ )
याच वादाच्या फैरी झाडताना विरोधकांच्या आरोपांचा खरपूस समाचार घेण्यात आला आहे. जर विरोधकांकडे कणकवलीतील कथित हत्यांचे पुरावे होते, तर महाविकास आघाडीचे अडीच वर्षे सरकार असताना ते झोपा काढत होते का, असा रोकडा सवाल उपस्थित करण्यात आला. तसेच विनाकारण राणे कुटुंबावर तथ्यहीन आरोप करण्यापेक्षा न्यायालयात किंवा सीबीआयकडे पुरावे सादर करण्याचे थेट आव्हान देण्यात आले. याव्यतिरिक्त, विरोधक स्वतः काँग्रेसच्या हायकमांडची गुलामी करत असून जनतेने त्यांचा राजकीय फुटबॉल केला आहे, अशी टीका करतानाच पंतप्रधान नरेंद्र मोदींवर बोलण्यापूर्वी त्यांनी ‘पाटकर फाईल्स’मधील स्वतःचा इतिहास तपासावा, असा टोला लगावला गेला. तसेच युपीआय (UPI) वरील शुल्क केवळ व्यापारी व्यवहारांसाठी असून सर्वसामान्य जनतेला त्याचा कोणताही भुर्दंड बसणार नाही, असे स्पष्ट करत जनतेची दिशाभूल थांबवण्याचा सल्ला देण्यात आला.
या सर्व घडामोडींच्या केंद्रस्थानी ठाकरे गटातील अंतर्गत वादाचा एक अत्यंत गंभीर आणि स्फोटक दावा समोर आला आहे. भाजपचे प्रदेश मुख्य प्रवक्ते नवनाथ बन यांनी खासदार संजय राऊत यांच्यावर थेट निशाणा साधत खळबळजनक आरोप केला आहे. ऑर्थर रोड तुरुंगात असताना उद्धव ठाकरे आणि आदित्य ठाकरे यांनी मदत केली नाही, त्याचाच सूड उगवण्यासाठी संजय राऊत दिशा सालियन प्रकरण जाणीवपूर्वक जिवंत ठेवत असल्याचा दावा त्यांनी केला. हे प्रकरण वारंवार चव्हाट्यावर आणून आदित्य ठाकरे यांची बदनामी करणे आणि पर्यायाने त्यांना राजकीय पटलावरून कायमचे संपवणे हे राऊतांचेच पूर्वनियोजित षडयंत्र असल्याचा जोरदार घणाघात नवनाथ बन यांनी केला.
हेही पहा –
Join Our WhatsApp Community