-
प्रतिनिधी
दोन मुलींचा विनयभंग केल्याच्या गुन्ह्यात जामिनावर सुटलेल्या आरोपीने आपल्या समर्थकांसह पीडित मुलीच्या घरासमोरून रॅली काढत फटाके फोडून जल्लोष साजरा केल्याचा धक्कादायक प्रकार ठाणे जिल्ह्यातील उल्हासनगर येथे समोर आला आहे. या प्रकारामुळे पीडित मुलगी आणि तिचे कुटुंब दहशतीच्या छायेत आले आहे. या घटनेची गंभीर दखल घेऊन पोलिसांनी मुख्य आरोपीसह ६ जणांवर गुन्हा दाखल करण्यात आला आहे. (Thane City Ulhasnagar)
(हेही वाचा – 2006 Mumbai Train Bomb Blast : ७/११ बॉम्बस्फोटातील सर्वच आरोपी निर्दोष; तपास अधिकाऱ्याच्या मृत्यूचे गूढ मात्र कायम)
या घटनेचा व्हिडिओ व्हायरल झाल्यानंतर, पोलिसांनी आरोपी रोहित झा आणि त्याच्या सहा समर्थकांवर गुन्हा दाखल केला आहे त्याचा शोध घेण्यात येत आहे. पोलिस सूत्रांनी दिलेल्या माहितीनुसार, झा, ज्यांच्याविरुद्ध यापूर्वी अनेक गुन्हे दाखल आहेत, त्यांनी या वर्षी २७ एप्रिल रोजी त्याच्या काही साथीदारांसह दोन मुलींना जबरदस्तीने घराबाहेर काढले होते. त्यांनी मुलींना मारहाण केली आणि त्यांचे कपडे फाडल्याचा आरोप आहे. या घटनेनंतर, पोलिसांनी झा यांना विनयभंगाच्या आरोपाखाली अटक केली आणि तुरुंगात पाठवले. (Thane City Ulhasnagar)
(हेही वाचा – राज्यपाल नंतर उपराष्ट्रपती म्हणून Jagdeep Dhankhar कसे होते? कुणाकुणाला सुनावले? कोणत्या विषयावर झोडपले?)
शनिवारी त्यांना जामीन मंजूर करण्यात आला. पोलिसांनी सांगितले की, झा यांची सुटका झाल्यानंतर त्यांचे समर्थक त्यांना घेण्यासाठी तुरुंगात गेले. तेथून ते अनेक दुचाकींच्या ताफ्यासह उल्हासनगरला आले, जिथे त्यांच्या सहकाऱ्यांनी बॅंड वाजवून त्यांचे स्वागत केले. तक्रारदारांच्या घराजवळ ताफा पोहोचताच आरोपींनी फटाके वाजवले आणि त्यांच्या समर्थकांनी मिठाई वाटली. झा यांच्या कृत्यांमुळे स्थानिकांमध्ये भीतीचे वातावरण आहे, कारण त्यांच्याविरुद्ध अनेक गुन्हे दाखल आहेत, असे सूत्रांनी सांगितले. वरिष्ठ पोलिस निरीक्षक विष्णू ताम्हाणे म्हणाले की ते आरोपींचा शोध घेत आहेत. (Thane City Ulhasnagar)
हेही पहा –
Join Our WhatsApp Community