Sharad Pawar Letter To CM : शरद पवारांचे थेट मुख्यमंत्र्यांना ३ पानी पत्र; सत्तावर्तुळात खळबळ उडवून देणाऱ्या ‘त्या’ ९ मागण्या कोणत्या?

• प्रतिनिधी

Sharad Pawar Letter To CM              महाराष्ट्राच्या राजकीय पटलावर सत्ताधारी आणि विरोधक यांच्यात नित्यनियमाने आरोप-प्रत्यारोपांच्या फैरी झडत असतात. मात्र, एका ज्येष्ठ आणि मुत्सद्दी नेत्याने थेट राज्याच्या मुख्यमंत्र्यांना तीन पानी सविस्तर पत्र लिहून एका गंभीर विषयाकडे लक्ष वेधल्याने प्रशासकीय आणि राजकीय वर्तुळात मोठी चर्चा रंगली आहे. ऐन सणासुदीच्या दिवसांत विरोधी बाकांवरील सर्वोच्च आवाजाने प्रशासकीय प्रमुखाला थेट साद घालत काही ठोस उपायांची जंत्रीच सादर केल्याने सर्वांच्या नजरा या घडामोडीकडे लागल्या आहेत. (Sharad Pawar Letter To CM)

राज्यात अपुऱ्या पावसामुळे अनेक भागांत खरीप पिके धोक्यात आली असून शेतकरी, शेतमजूर आणि पशुधनावर मोठे संकट ओढवले आहे. अशा नाजूक व बिकट स्थितीत औपचारिक निकषांच्या लालफितीत न अडकता जनतेच्या आणि ग्रामीण अर्थव्यवस्थेच्या रक्षणासाठी शासनाने तातडीने हस्तक्षेप करावा, असा आग्रह या पत्राद्वारे धरण्यात आला आहे. त्याअनुषंगाने मांडण्यात आलेल्या प्रमुख ९ मागण्या पुढीलप्रमाणे आहेत : (Sharad Pawar Letter To CM)

(हेही वाचा – Crime : मुंबईत पोलीस चौकीतूनच वायरलेस वॉकी-टॉकी चोरीला; व्ही. पी. रोड पोलिसांकडून तपास सुरू)

१. तातडीने दुष्काळ जाहीर करणे : केवळ जिल्ह्यांच्या सरासरी आकडेवारीवर विसंबून न राहता तालुका आणि मंडळांतील प्रत्यक्ष परिस्थिती, पिकांचे नुकसान व पर्जन्यमान पाहून तत्काळ दुष्काळ घोषित करावा व सवलती लागू कराव्यात.

२. शेतकरी व शेतमजुरांना आर्थिक मदत : दुष्काळी परिस्थितीमुळे संकटात सापडलेल्या शेतकऱ्यांना हेक्टरी किमान ५० हजार रुपये आणि शेतमजूर कुटुंबांना प्रत्येकी २५ हजार रुपयांची विशेष आर्थिक मदत द्यावी.

३. कर्जमाफीबाबत तातडीचा निर्णय : कर्जमाफी योजनेची जलद गतीने अंमलबजावणी करून नवीन पीककर्ज उपलब्ध करून द्यावे; तसेच नियमित कर्ज भरणाऱ्या शेतकऱ्यांचे प्रोत्साहनपर अनुदान ५० हजारांवरून १ लाख रुपये करावे आणि थकीत शेतकऱ्यांचाही यात समावेश करावा.

४. पीक विम्याचा तत्काळ लाभ : एक रुपयात पीकविमा योजनेचे वगळलेले ट्रिगर पूर्वलक्षी प्रभावाने लागू करून शेतकऱ्यांना विमा संरक्षण द्यावे आणि मागील अवकाळी नुकसानीचे हेक्टरी १७ हजार रुपये तातडीने वितरित करावेत.

५. रोजगार हमी योजना व फळबागांसाठी टँकर : ग्रामीण भागात रोजगार उपलब्ध करून देण्यासाठी रोहयोची व्याप्ती वाढवावी आणि पाण्याअभावी जळून चाललेल्या फळबागा वाचवण्यासाठी विशेष टँकर व्यवस्था करावी. (Sharad Pawar Letter To CM)

(हेही वाचा – TMC फुटीचा मोठा परिणाम! ममता बॅनर्जी, ऋतब्रत बॅनर्जी गटाकडून नाव-चिन्ह हिरावलं; आता पुढे काय?)

६. पिण्याचे पाणी व चारा छावण्या : पिण्याच्या पाण्याच्या टंचाईचे सर्वेक्षण करून शासकीय टँकर सुरू करावेत तसेच जनावरांसाठी चारा छावण्या उभारून मोफत पशुवैद्यकीय सेवा पुरवाव्यात.

७. लोडशेडिंगमुक्ती व सुरळीत वीजपुरवठा : दुष्काळात वीज भारनियमन टाळण्यासाठी ऊर्जा विभागाने विशेष मोहीम राबवून नादुरुस्त रोहित्र (DP) तातडीने दुरुस्त करावेत.

८. राज्य व जिल्हास्तरीय नियंत्रण कक्ष : परिस्थितीवर दैनंदिन देखरेख ठेवण्यासाठी नियंत्रण कक्ष स्थापन करावेत आणि जिल्हाधिकाऱ्यांना तात्काळ निधी खर्च करण्यासाठी ‘निगेटिव्ह डेबिट’चे विशेष आर्थिक अधिकार द्यावेत.

९. विद्यार्थ्यांचे संपूर्ण शैक्षणिक शुल्क माफी : दुष्काळग्रस्त भागातील विद्यार्थ्यांना केवळ परीक्षा शुल्क माफ न करता त्यांचे संपूर्ण शैक्षणिक शुल्क माफ करून मोठा दिलासा द्यावा. (Sharad Pawar Letter To CM)

(हेही वाचा – एन. चंद्रशेखरन पुन्हा अध्यक्षपदी, Tata ट्रस्ट्सचा विरोध; नोएल टाटांचा नेमका आक्षेप काय?)

या संपूर्ण पत्रप्रपंचामागील मूळ आणि महत्त्वाची बातमी म्हणजे, राष्ट्रवादी काँग्रेसचे (शरदचंद्र पवार) सर्वेसर्वा खासदार शरद पवार यांनी मुख्यमंत्री देवेंद्र फडणवीस यांना हे तीन पानी पत्र पाठवले आहे. राज्यातील गंभीर दुष्काळसदृश परिस्थिती, सोयाबीन-कापूस पिकांची झालेली नासाडी, पिण्याचे पाणी आणि चाऱ्याचा भेडसावणारा प्रश्न यावर प्रशासकीय औपचारिकता बाजूला ठेवून मुख्यमंत्र्यांनी वरील ९ मुद्यांवर युद्धपातळीवर अंमलबजावणी करावी, अशी जोरदार मागणी शरद पवारांनी या पत्रातून केली आहे. (Sharad Pawar Letter To CM)

हेही पहा –