-
ऋजुता लुकतुके
इंग्लंड आणि आयर्लंड दौऱ्यातील निराशाजनक कामगिरीनंतर भारतीय क्रिकेट नियामक मंडळाने (BCCI) आयोजित केलेली महत्त्वपूर्ण आढावा बैठक(BCCI Review Meeting)अद्याप झालेली नाही. संघाच्या कामगिरीचे मूल्यमापन करण्यासाठी ही बैठक तातडीने घेण्यात येणार होती. मात्र BCCI सचिव देवजित सैकिया यांच्या प्रकृतीच्या कारणामुळे बैठकीला विलंब झाल्याचे समोर आले आहे.
भारताला आयर्लंडविरुद्ध टी-२० मालिकेत पराभव पत्करावा लागला, त्यानंतर इंग्लंडविरुद्धच्या टी-२० आणि एकदिवसीय मालिकेतही अपेक्षित कामगिरी करता आली नाही. या सलग अपयशानंतर BCCI ने संघाच्या कामगिरीचा सर्वंकष आढावा घेण्याचा निर्णय घेतला होता. बैठकीत मुख्य प्रशिक्षक गौतम गंभीर, निवड समिती, वैद्यकीय विभाग आणि सेंटर ऑफ एक्सलन्समधील अधिकाऱ्यांशी चर्चा होणार होती.(BCCI Review Meeting)
(हेही वाचा – US – Iran War : अणुकार्यक्रम थांबवणार नाही, इराणचा ठाम इशारा )
अहवालानुसार, सैकिया प्रकृती अस्वास्थ्यामुळे प्रत्यक्ष बैठकीला उपस्थित राहू शकले नाहीत. त्यामुळे बैठक पुढे ढकलण्यात आली. गौतम गंभीर या बैठकीत ऑनलाइन माध्यमातून सहभागी होणार असल्याचे सांगितले जात आहे. श्रीलंका कसोटी मालिकेच्या तयारीमुळे संघ व्यवस्थापन सध्या व्यस्त असल्याने बैठकीच्या तारखेतही बदल करण्यात आल्याचे समजते.(BCCI Review Meeting)
या बैठकीत खेळाडूंची निवड, दुखापतींचे वाढते प्रमाण, फिटनेस व्यवस्थापन, कार्यभार नियंत्रण आणि संघबांधणी यांसारख्या मुद्द्यांवर विशेष चर्चा होण्याची शक्यता आहे. इंग्लंड दौऱ्यात अनेक खेळाडूंना दुखापतींचा सामना करावा लागल्याने BCCI फिटनेस चाचण्यांच्या पद्धतीत बदल करण्याचाही विचार करत असल्याची माहिती समोर आली आहे.(BCCI Review Meeting)
BCCI च्या या आढावा बैठकीला विशेष महत्त्व आहे, कारण पुढील काही महिन्यांत भारताला श्रीलंका कसोटी मालिका आणि इतर महत्त्वाच्या आंतरराष्ट्रीय स्पर्धांची तयारी करायची आहे. त्यामुळे संघाच्या कामगिरीतील त्रुटी ओळखून आवश्यक बदल करण्यासाठी ही बैठक निर्णायक मानली जात आहे. मंडळाकडून बैठकीची नवी तारीख अद्याप जाहीर करण्यात आलेली नसली, तरी इंग्लंड आणि आयर्लंड दौऱ्यातील अपयशानंतर काही महत्त्वाचे निर्णय या बैठकीत होण्याची शक्यता व्यक्त केली जात आहे.(BCCI Review Meeting)
हेही पहा –
Join Our WhatsApp Community