भारताच्या डिजिटल पेमेंट व्यवस्थेचा कणा बनलेल्या युनिफाइड पेमेंट्स इंटरफेस (UPI) ने जुलै महिन्यात विक्रमी कामगिरी करत आतापर्यंतच्या सर्वाधिक मासिक व्यवहारांची नोंद केली आहे. व्यवहारांची संख्या आणि मूल्य या दोन्ही बाबतीत यूपीआयने नवा उच्चांक गाठला असून, भारताच्या डिजिटल अर्थव्यवस्थेच्या वाढत्या सामर्थ्याला बळ देणारा हा महत्त्वाचा टप्पा मानला जात आहे.(UPI July 2026 Record)
(हेही वाचा: भिवंडी इमारत दुर्घटनेतील ‘हिरो’ ठरला खड्ड्यांचा बळी! मुंबई-नाशिक महामार्गावर TDRF जवानाचा अपघाती मृत्यू)
पंतप्रधान कार्यालयाने (PMO) दिलेल्या माहितीनुसार, जुलै महिन्यात यूपीआयद्वारे तब्बल २३.६६ अब्ज व्यवहार करण्यात आले. या व्यवहारांचे एकूण मूल्य २९.८८ लाख कोटी रुपये इतके आहे. डिजिटल पेमेंटच्या इतिहासातील ही आतापर्यंतची सर्वोच्च मासिक कामगिरी असल्याचेही सांगण्यात आले आहे. देशभरात डिजिटल व्यवहारांचा वेग सातत्याने वाढत आहे. विशेषतः श्रेणी-२, श्रेणी-३ शहरांसह ग्रामीण भागातही यूपीआयचा वापर मोठ्या प्रमाणावर वाढला असून, नागरिकांचा डिजिटल पेमेंट व्यवस्थेवरील विश्वास अधिक दृढ होत आहे.(UPI July 2026 Record)
(हेही वाचा: VIDEO: ग्रीसमध्ये वणवा विझवणाऱ्या दोन हेलिकॉप्टर्सची हवेत टक्कर; पाहा नेमकं काय घडलं?)
११ एप्रिल २०१६ रोजी सुरू झालेली यूपीआय प्रणाली आज भारताच्या डिजिटल अर्थव्यवस्थेचा अविभाज्य भाग बनली आहे. जलद, सुरक्षित आणि सुलभ व्यवहारांची सुविधा उपलब्ध करून देत यूपीआयने आर्थिक व्यवहारांची पद्धत बदलून टाकली असून, डिजिटल इंडियाच्या संकल्पनेला मोठे बळ दिले आहे.(UPI July 2026 Record)
हेही पाहा :
https://youtu.be/jYj56miGAiI