कतारच्या (Qatar Gas Terminal Explosion) प्रमुख नैसर्गिक वायू निर्यात टर्मिनलमध्ये रविवारी भीषण स्फोट झाला. या स्फोटानंतर लागलेल्या आगीत ५४ जण जखमी झाले असून १८ जण अद्याप बेपत्ता आहेत. इराण युद्धादरम्यान झालेल्या इराणी हल्ल्यात या वायू प्रकल्पाचे मोठे नुकसान झाले होते. रविवारी दुरुस्ती पूर्ण झाल्यानंतर हा प्रकल्प पुन्हा सुरू करण्याचा प्रयत्न केला जात असताना हा स्फोट झाला. (Qatar Gas Terminal Explosion)
हा स्फोट कतारमधील रास लाफान औद्योगिक क्षेत्रात झाला, जे देशाच्या नैसर्गिक वायू उद्योगाचे प्रमुख केंद्र मानले जाते. या घटनेमुळे जागतिक ऊर्जा बाजारात आणखी अस्थिरता निर्माण होण्याची शक्यता व्यक्त केली जात आहे, कारण कतार हा जगातील सर्वात मोठ्या नैसर्गिक वायू उत्पादक देशांपैकी एक आहे. (Qatar Gas Terminal Explosion)
इराणने हॉर्मुझ सामुद्रधुनीवरील नियंत्रण कडक केल्यामुळे कतारला आपल्या ग्राहकांपर्यंत वायूच्या खेपा पाठवता येत नव्हत्या. त्यामुळे कतारने आपले वायू उत्पादन तात्पुरते बंद केले होते. मात्र, युद्ध कायमस्वरूपी संपवण्यासाठी सुरू असलेल्या चर्चांदरम्यान इराणने सामुद्रधुनीवरील नियंत्रण काहीसे शिथिल केल्यानंतर कतारने आपले निर्यात टर्मिनल पुन्हा सुरू करण्याची प्रक्रिया हाती घेतली होती. (Qatar Gas Terminal Explosion)
रविवारी रात्री याच प्रक्रियेदरम्यान बरजान वायू पुरवठा प्रकल्पात स्फोट झाला आणि आग लागली. सरकारी मालकीच्या कतार एनर्जी या कंपनीने या घटनेची पुष्टी केली आहे. स्फोटानंतर झालेल्या नुकसानीचे मूल्यांकन सुरू असून, सुरुवातीच्या तपासात केवळ काही जण जखमी झाल्याची माहिती देण्यात आली होती.मात्र, काही तासांनंतर कतारच्या गृह मंत्रालयाने परिस्थिती अधिक गंभीर असल्याचे स्पष्ट करत या दुर्घटनेत ५४ जण जखमी झाल्याची माहिती दिली. तसेच १८ जण अद्याप बेपत्ता असून त्यांचा शोध सुरू आहे. (Qatar Gas Terminal Explosion)
Join Our WhatsApp Community