भारताला संरक्षण उत्पादनात स्वयंपूर्ण बनवण्यासाठी नागपूर शहरात एक मोठे पाऊल उचलण्यात आले आहे. केंद्रीय संरक्षणमंत्री राजनाथ सिंह यांनी नागपूर येथील अंबाझरी संरक्षण कारखान्यात (Ambazari Conservation Factory) यंत्र इंडिया लिमिटेडच्या आवारात १० हजार टन क्षमतेच्या ॲल्युमिनियम एक्सट्रूजन प्रेस प्रकल्पाचे (Aluminum Extrusion Press Project) भूमिपूजन केले. या प्रसंगी मुख्यमंत्री देवेंद्र फडणवीस (CM Devendra Fadnavis) यांची विशेष उपस्थिती होती. हा नवीन प्रकल्प देशाच्या सुरक्षा दलांसाठी लागणाऱ्या उच्च दर्जाच्या सुट्ट्या भागांची निर्मिती करणार असून यामुळे परदेशातून होणारी आयात मोठ्या प्रमाणावर थांबणार आहे. (Rajnath Singh)
(हेही वाचा – Kalyan स्टेशनसमोर तळीरामांचे खुलेआम मद्यपान; व्हिडिओ व्हायरल, नागरिकांच्या सुरक्षेचा प्रश्न ऐरणीवर)
जागतिक युद्धांच्या पार्श्वभूमीवर स्वदेशी बनावटीचे महत्त्व
या कार्यक्रमादरम्यान उपस्थितांना संबोधित करताना संरक्षणमंत्र्यांनी सध्याच्या जागतिक परिस्थितीवर भाष्य केले. जगात जेव्हा युद्धजन्य परिस्थिती निर्माण होते, तेव्हा आंतरराष्ट्रीय पुरवठा साखळी पूर्णपणे विस्कळीत होते, असे त्यांनी सांगितले. अशा कठीण प्रसंगी देशाची सुरक्षा परकीय शक्तींवर अवलंबून राहू नये, म्हणूनच भारताचे स्वतःचे तंत्रज्ञान आणि स्वतःचे मनुष्यबळ असणे गरजेचे आहे. स्वावलंबन म्हणजे केवळ उत्पादन वाढवणे नसून कोणत्याही संकटाचा सामना करण्यासाठी पूर्ण आत्मविश्वासाने उभे राहणे होय, असे प्रतिपादन त्यांनी केले.
रक्षा मंत्री राजनाथ सिंह और @Dev_Fadnavis भाऊ ने नागपुर में ‘यंत्र इंडिया लिमिटेड’ की आयुध निर्माणी में 10,000 टन क्षमता वाले आधुनिक ‘एल्युमिनियम एक्सट्रूज़न प्रेस’ प्लांट का भूमिपूजन किया
ये प्लांट मिसाइल और विमान के लिए एल्यूमिनियम
मिश्र धातु के पार्ट्स बनाने में फायदेमंद… pic.twitter.com/kgrH6uzanV— Hardik Bhavsar (@Bitt2DA) June 19, 2026
संरक्षण क्षेत्रातील निर्यातीत आणि उत्पादनात विक्रमी वाढ
आपल्या भाषणात देशाच्या लष्करी उत्पादनाची आकडेवारी मांडताना त्यांनी सांगितले की, वर्ष २०१४ मध्ये भारताचे देशांतर्गत संरक्षण उत्पादन केवळ ४६ हजार कोटी रुपये होते, जे आता वाढून तब्बल १ लाख ७८ हजार कोटी रुपयांच्या पार गेले आहे. याशिवाय पूर्वी केवळ १ हजार कोटी रुपयांच्या आसपास असणारी शस्त्रास्त्रांची निर्यात आता ३८ हजार ४२४ कोटी रुपयांच्या ऐतिहासिक पातळीवर पोहोचली आहे. आगामी दोन ते तीन वर्षांत संरक्षण उत्पादनाचा आकडा ३ लाख कोटी रुपयांवर आणि निर्यातीचा टप्पा ५० हजार कोटी रुपयांवर नेण्याचे उद्दिष्ट सरकारने ठेवले आहे.
(हेही वाचा – Ayodhya, Ram Temple: देणगी घोटाळ्याशी संबंधित पुरावे असल्यास विशेष तपास पथकाकडे सादर करावेत, उत्तर प्रदेश सरकारचे आवाहन)
लष्करी मोहिमांमधील उपकरणांची भूमिका
संरक्षणमंत्र्यांनी आपल्या लष्कराने राबवलेल्या ‘ऑपरेशन सिंदूर’ (Operation Sindoor) मोहिमेचा विशेष उल्लेख केला. वर्षभरापूर्वी आपल्या शूर सैनिकांनी दाखवलेले शौर्य इतिहासात अजरामर झाले असून, त्या यशात भारतात तयार झालेल्या दर्जेदार आणि आधुनिक उपकरणांचे योगदान मोलाचे होते, असे ते म्हणाले. सैनिकांच्या साहसाला जेव्हा बळकट उपकरणांची जोड मिळते, तेव्हा शत्रूचे मनसुबे धुळीस मिळतात. नागपुरातील हा नवीन प्रकल्प भविष्यात आधुनिक लढाऊ विमाने आणि क्षेपणास्त्र कार्यक्रमांसाठी अत्यंत महत्त्वपूर्ण ठरणार आहे.
हेही पहा –
Join Our WhatsApp Community