Kurla : ‘शिरीषकुमार बालवाचनालया’चे बालसाहित्यिक एकनाथ आव्हाड यांच्या हस्ते उद्घाटन

• प्रतिनिधी

कुर्ला (पूर्व) येथील प्रबोधन पूर्व प्राथमिक बालवाटिकेत सोमवारी (११ ऑगस्ट) पल्लवी सभागृहात ‘शिरीषकुमार बालवाचनालय’चे भव्य उद्घाटन उत्साहाच्या लाटेत पार पडले. उद्घाटनाची धुरा ख्यातनाम बालसाहित्यिक एकनाथ आव्हाड यांच्या हाती सोपवण्यात आली होती. सोहळ्याची सुरुवात सरस्वतीमाता व वि. वा. शिरवाडकर यांच्या प्रतिमेला पुष्पहार अर्पण करून झाली. तिसरी-चौथीच्या मुलांनी ईशस्तवन व स्वागतगीताने वातावरण भारावले. मात्र खरा ‘वाह!’ क्षण होता – रिमोट कंट्रोल कारमधून परीसोबत आलेली पुस्तके आणि त्यातून झालेले अनोखे उद्घाटन! (Kurla)

(हेही वाचा – Jagannath Temple : पुरीचे जगन्नाथ मंदिर उडवण्याची दहशतवाद्यांची धमकी; पोलीस अलर्ट)

कार्यक्रम रंगतदार बनवणाऱ्या सादरीकरणात नाटुकले, ‘हसरा नाचरा श्रावण आला’वर नृत्य, नारळी पौर्णिमेच्या निमित्ताने कोळीगीत, तसेच ‘लाडोबा’ हे एकनाथ आव्हाड लिखित गीत मुलांनी गाऊन उपस्थितांना भावविभोर केले. दुसरीचा पार्थ वावरे याने सांगितलेली शिरीषकुमारांची गोष्ट मनात घर करून गेली. जादूगाराच्या चमत्कारिक खेळांनी लहानग्यांच्या डोळ्यांत थक्कतेचे तेज भरले. (Kurla)

(हेही वाचा – Drug : १.५ कोटींच्या कोकेनसह घानाच्या नागरिकाला अटक; मुंबई पोलिसांची कारवाई)

बालमनांना प्रेरित करणाऱ्या भाषणात आव्हाड यांनी कविता व कथा सादर करत वाचनाच्या सवयीचे महत्त्व अधोरेखित केले. विशाखा परब यांनी पाहुण्यांची ओळख करून दिली, तर डॉ. भाऊ कोरगावकर यांनी आभार प्रदर्शनासोबत प्रेरणादायी मार्गदर्शन केले. सूत्रसंचालन शिक्षिका मेघा येवले यांनी ओघवत्या शब्दांत रंगत आणली. विश्वस्त शलाका कोरगावकर, मुख्याध्यापक संतोष चिकणे, पालक व विद्यार्थी यांच्या उपस्थितीत झालेले हे आयोजन प्रबोधन कुर्ला परिवारासाठी केवळ एक कार्यक्रम नव्हता, तर वाचन संस्कृतीच्या नव्या पर्वाची धमाकेदार सुरुवात होती. (Kurla)

हेही पहा –