भारतीय यष्टीरक्षक-फलंदाज ऋषभ पंत (Rishabh Pant) दुखापतीनंतर पुनरागमन करणार आहे. पंत दक्षिण आफ्रिका अ विरुद्धच्या दोन अनधिकृत कसोटी सामन्यांच्या मालिकेचा भाग असणार आहे. या काळात तो भारत अ संघाचे नेतृत्वही करेल. या वर्षी इंग्लंडविरुद्धच्या पाच सामन्यांच्या कसोटी मालिकेदरम्यान पंतला दुखापत झाली होती आणि तेव्हापासून तो खेळू शकला नाही.
भारत आणि दक्षिण आफ्रिका १४ नोव्हेंबरपासून दोन सामन्यांची कसोटी मालिका खेळणार आहेत. त्याआधी भारत अ आणि दक्षिण आफ्रिका अ यांच्यात दोन अनधिकृत कसोटी सामने होतील. भारतीय क्रिकेट नियामक मंडळाने या मालिकेसाठी भारत अ संघाची घोषणा केली आहे. दुखापतीमुळे पंत आशिया कप, वेस्ट इंडिजविरुद्धची कसोटी मालिका आणि ऑस्ट्रेलियाविरुद्धच्या मर्यादित षटकांच्या मालिकेत खेळू शकला नाही. पण तो आता तंदुरुस्त आहे आणि मैदानात उतरण्यास सज्ज आहे.
(हेही वाचा – Assam Rifles च्या तळावरील हल्ल्याचा घेतला बदला; ‘या’ उग्रवादी वरिष्ठ कमांडरचा केला खात्मा)
निवडकर्त्यांनी पंतला (Rishabh Pant) भारत अ संघासाठी संधी दिली आहे. भारत अ आणि दक्षिण आफ्रिका अ यांच्यातील सामना ३० ऑक्टोबरपासून बंगळुरूमध्ये खेळवला जाईल. पंत व्यतिरिक्त, या मालिकेसाठी संघात आणखी एक प्रमुख नाव म्हणजे साई सुदर्शन. सुदर्शनला उपकर्णधार म्हणून नियुक्त करण्यात आले आहे, तर देवदत्त पडिक्कल, ध्रुव जुरेल आणि मोहम्मद शमी हे देखील या मालिकेचा भाग असतील. के. एल. राहुल देखील दुसऱ्या सामन्यात खेळणार आहे.
दक्षिण आफ्रिकेविरुद्धच्या पहिल्या चार दिवसीय सामन्यासाठी भारत अ संघ : ऋषभ पंत (कर्णधार आणि यष्टिरक्षक), आयुष म्हात्रे, एन जगदीसन (यष्टिरक्षक), साई सुदर्शन (उपकर्णधार), देवदत्त पडिक्कल, रजत पाटीदार, हर्ष दुबे, तनुश कोटियन, मानव सुथार, अंशुल कंबोज, यश ठाकूर, आयुष बडोनी आणि सरांश जैन.
(हेही वाचा – Fake Scientist Arrest : अख्तर हुसेनकडे सापडले अणुबॉम्ब डिझाइनचे नकाशे; राष्ट्रीय तपास यंत्रणा अलर्टवर)
दक्षिण आफ्रिकेविरुद्धच्या दुसऱ्या चार दिवसीय सामन्यासाठी भारत अ संघ : ऋषभ पंत (कर्णधार आणि यष्टिरक्षक), केएल राहुल, ध्रुव जुरेल (यष्टीरक्षक), साई सुदर्शन (उपकर्णधार), देवदत्त पडिक्कल, ऋतुराज गायकवाड, हर्ष दुबे, तनुष कोटियान, मानव ब्रह्मन सुतकर, अब्दुल अहमद, इसवरन, प्रसिध कृष्णा, मोहम्मद सिराज, आकाश दीप.
हेही पहा –
Join Our WhatsApp Community