China Women Cricket : एकही चेंडू न खेळता चीन आशियाई क्रीडा स्पर्धेत क्रिकेटमधून बाहेर; ‘हा’ नियम ठरला निर्णायक

• ऋजुता लुकतुके

China Women Cricket              आशियाई क्रीडा स्पर्धेतील महिला क्रिकेटमध्ये एक अनोखी घटना पाहायला मिळाली. सामना झाला नाही, एकही चेंडू टाकला गेला नाही आणि नाणेफेकही झाली नाही; तरीही चीनचा स्पर्धेतील प्रवास संपला. खराब हवामानामुळे चीन आणि बांगलादेश यांच्यातील उपांत्यपूर्व सामना रद्द झाल्यानंतर बांगलादेशला पुढच्या फेरीत प्रवेश मिळाला. जपानमधील निशिन शहरातील कोरोगी स्पोर्ट्स पार्कमध्ये हा सामना होणार होता. मात्र मैदान ओले असल्याने खेळ सुरू करण्याची शक्यताच उरली नाही. पावसामुळे परिस्थिती इतकी खराब होती की नाणेफेकही होऊ शकली नाही. अखेर सामना रद्द करण्याचा निर्णय घेण्यात आला. (China Women Cricket)

(हेही वाचा – Crude Oil Price : कच्च्या तेलाच्या घसरणीचा तिसरा दिवस; ब्रेट क्रूड १०२ डॉलरच्या खाली)

मात्र सामना रद्द झाल्यानंतर दोन्ही संघांना समान संधी देण्यात आली नाही. आशियाई क्रीडा स्पर्धेच्या क्रिकेटच्या खेळण्याच्या नियमांनुसार, उपांत्यपूर्व सामना पावसामुळे किंवा खराब हवामानामुळे रद्द झाल्यास क्रमवारीतील वर असलेल्या संघाला पुढील फेरीत स्थान दिले जाते. त्यामुळे बांगलादेशला या नियमाचा फायदा झाला. यामागे दोन्ही संघांच्या आंतरराष्ट्रीय क्रमवारीचाही थेट संबंध होता. बांगलादेश महिला टी-२० क्रमवारीत दहाव्या स्थानावर, तर चीन ३६व्या स्थानावर होता. त्यामुळे सामना न खेळताच बांगलादेश उपांत्य फेरीत पोहोचला आणि चीनचे आव्हान संपले. (China Women Cricket)

(हेही वाचा – Crime : मुंबईतील व्यावसायिकाकडे २.२५ कोटींची खंडणी; जयपूरमधील २ ‘ईडी’ अधिकाऱ्यांवर गुन्हा दाखल)

चीनसाठी हा निकाल विशेष निराशाजनक ठरला. आशियाई क्रीडा स्पर्धेतील महिला क्रिकेटमध्ये स्थान मिळवण्यासाठी चीनने याच वर्षी पात्रता स्पर्धेत नेपाळचा पराभव करून स्थान निश्चित केले होते. पात्रता स्पर्धेत चीन तिसऱ्या क्रमांकावर राहिला होता. महिला क्रिकेटच्या या स्पर्धेत आठ संघ सहभागी झाले आहेत. भारत, बांगलादेश, पाकिस्तान आणि श्रीलंका यांना थेट प्रवेश मिळाला, तर जपान यजमान असल्याने सहभागी आहे. चीन, थायलंड आणि मलेशियाने पात्रता स्पर्धेतून स्थान मिळवले. क्रिकेटमध्ये अनेकदा सामना मैदानावरच्या कामगिरीने जिंकला किंवा हरला जातो. मात्र चीनच्या बाबतीत यावेळी मैदानात उतरण्याची संधीही मिळाली नाही आणि एका नियमामुळे संपूर्ण स्पर्धेतील प्रवास संपला. (China Women Cricket)

हेही पहा –