दरवर्षी २२ एप्रिल रोजी जागतिक वसुंधरा दिन (World Earth Day 2024) जगभरात साजरा केला जातो. हा दिवस साजरा करण्यामागचा उद्देश लोकांमध्ये पर्यावरणाविषयी जागरूकता पसरवणे आणि पृथ्वी वाचवण्यासाठी होत असलेल्या प्रयत्नांना प्रोत्साहन देणे असा आहे. औद्योगिक क्रांतीनंतर कार्बन उत्सर्जनात लक्षणीय वाढ झाली आहे. त्याचा आपल्या पृथ्वीवर वाईट परिणाम होत आहे. त्यावर उपाययोजना करणे आवश्यक आहे.
१९७० मध्ये, यूएस सिनेटर जेराल्ड नेल्सन यांनी २२ एप्रिल रोजी पहिला वसुंधरा दिवस (World Earth Day 2024) साजरा करण्यास सुरुवात केली. २० दशलक्षाहून अधिक अमेरिकन लोकांनी निदर्शने, रॅली आणि शैक्षणिक कार्यक्रमांमध्ये भाग घेतला. या घटनेमुळे पर्यावरण चळवळीला चालना मिळाली आणि जगभरात पृथ्वी दिन साजरा करण्याची प्रेरणा मिळाली. (World Earth Day 2024)
(हेही वाचा – Virat Kohli भरमैदानात अंपायरवर का संतापला?)
आता पृथ्वीच्या संवर्धनाची गरज भासू लागली आहे. अशा स्थितीत विकासाबरोबरच निसर्गाचा समतोल राखण्याचीही भूमिका जाणवू लागली आहे. या कारणास्तव वसुंधरा दिनाची भूमिका अत्यंत महत्त्वाची ठरते. १९९० साली डेनिस हेसने हा दिवस जागतिक स्तरावर साजरा करण्याची योजना आखली. यामध्ये सुमारे १४१ देशांनी यात सहभाग घेतला होता. जगातील १७५ देशांनी २०१६ च्या प्रसिद्ध पॅरिस करारावर स्वाक्षरी करून या दिवसाचे महत्त्व अधोरेखित केले. (World Earth Day 2024)
२०२४ मधील जागतिक वसुंधरा दिनाची थीम आहे, ’प्लॅनेट विरुद्ध प्लास्टिक’ या थीमचा उद्देश प्लास्टिकच्या वापरावर नियंत्रण आणणे आणि शक्य तितक्या लवकर त्याचा पर्याय शोधणे हा आहे. वसुंधरा दिनानिमित्त तुम्ही पृथ्वीसाठी अनेक महत्त्वाच्या गोष्टी करू शकता. प्लास्टिकचा वापर कमी करा, कापडी पिशव्या वापरा आणि पुन्हा वापरता येण्याजोग्या पाण्याच्या बाटल्या ठेवा. ऊर्जा वाचवण्यासाठी काम करा. पाण्याची बचत करण्यासाठी, थोड्या वेळासाठी शॉवर घ्या आणि नळ बंद करा. तसेच झाडे लावा आणि झाडांचे संरक्षण करा. इको-फ्रेंडली उत्पादने वापरा. (World Earth Day 2024)
हेही पहा –
Join Our WhatsApp Community