-
विशेष प्रतिनिधी
विदर्भातील (Vidarbha) संत्रा आणि मोसंबीच्या बागा सध्या भीषण पाणीटंचाईच्या सावटाखाली आहेत. पावसाने ओढ दिल्याने आणि उन्हाचा पारा चढल्याने हाता-तोंडाशी आलेले पीक डोळ्यांदेखत वाळू लागल्यामुळे शेतकरी हवालदिल झाला आहे. या गंभीर परिस्थितीवर चिंता व्यक्त करत, माजी गृहमंत्री अनिल देशमुख (Anil Deshmukh) यांनी राज्य शासनाला (State Government) तातडीने हस्तक्षेप करण्याचे आवाहन केले आहे.
(हेही वाचा – Ayodhya, Ram Temple: देणगी घोटाळ्याशी संबंधित पुरावे असल्यास विशेष तपास पथकाकडे सादर करावेत, उत्तर प्रदेश सरकारचे आवाहन)
विदर्भाची (Vidarbha) ओळख असलेल्या संत्रा आणि मोसंबीच्या फळबागांवर हजारो कुटुंबांचा उदरनिर्वाह अवलंबून आहे. मात्र, यंदा पावसाळ्याच्या लांबणीमुळे विहिरी आणि कूपनलिका तळाला गेल्या आहेत. झाडांना पाणी देणे अशक्य झाल्याने वर्षानुवर्षे जपालेली झाडे कोमेजून मृत पावत आहेत. हा केवळ एका हंगामाचा प्रश्न नसून, शेतकऱ्यांच्या पुढच्या अनेक वर्षांच्या मेहनतीवर पाणी फिरवणारा संकटकाळ असल्याचे अनिल देशमुख यांनी म्हटले आहे.
संत्रा-मोसंबीची बाग एकदा वाळली की ती पुन्हा उभी करण्यासाठी शेतकऱ्यांना मोठा कालावधी आणि आर्थिक गुंतवणुकीची गरज लागते. ही बाब लक्षात घेता, सरकारने विलंब न करता नुकसानग्रस्त बागांचे तातडीने पंचनामे करावेत आणि पीडित शेतकऱ्यांना प्रति एकरी ५० हजार रुपयांची आर्थिक मदत जाहीर करावी, अशी मागणी त्यांनी केली आहे. शासनाने याकडे वेळीच लक्ष दिले नाही, तर शेतकऱ्यांच्या न्याय्य हक्कांसाठी तीव्र आंदोलन छेडण्याचा इशाराही त्यांनी दिला आहे.
हेही पहा –
Join Our WhatsApp Community