इराणच्या IRGC ने फारसच्या आखातात समुद्राखालील इंटरनेट केबल आणि क्लाउड इन्फ्रास्ट्रक्चरचे (Cloud infrastructure) मॅपिंग केले आहे. (US Iran War) यावरून असा अंदाज व्यक्त केला जात आहे की, इराण कधीही या डिजिटल बॅकबोनवर हल्ला करू शकतो.
(हेही वाचा – India-Nepal Border: नेपाळ सरकारकडून सीमेवर नवीन कडक नियम; भारतीय प्रवाशांवर होणार परिणाम)
IRGCशी संबंधित तस्नीम न्यूज एजन्सीनुसार, होर्मुज सामुद्रधुनीतून (Strait of Hormuz) जाणाऱ्या प्रमुख पाणबुडी केबल कॉरिडॉरचे तसेच UAE (संयुक्त अरब अमिराती) आणि बहरीनमधील डेटा सेंटर्सचे मॅपिंग करण्यात आले आहे.
या अहवालात म्हटले आहे की, अनेक मोठे केबल सिस्टम पाण्याच्या मार्गाने किंवा त्याच्या जवळून जातात. माहितीप्रमाणे, फारसच्या आखाताचा दक्षिण भाग ईरानच्या तुलनेत समुद्री इंटरनेट मार्गांवर अधिक अवलंबून आहे.
तस्नीमने फारसच्या आखाताच्या दक्षिणेकडील देशांमध्ये, विशेषतः UAE आणि बहरीनमध्ये क्लाउड आणि डेटा सेंटर इन्फ्रास्ट्रक्चरच्या एकाग्रतेकडेही लक्ष वेधले आहे. तसेच, अशा महत्त्वाच्या संसाधनांचा नकाशाही तयार करण्यात आला आहे, ज्यामध्ये अडथळा आल्यास मोठे आर्थिक आणि संवादव्यवस्थेचे नुकसान होऊ शकते.
अलीकडेच इराणी ड्रोन हल्ल्यांनी UAE आणि बहरीनमधील Amazon Web Services (AWS)च्या काही ठिकाणांना लक्ष्य केले होते.
तस्नीमच्या अहवालानुसार, ईरानशी संबंधित माध्यमे आता समुद्राखालील केबल्स आणि प्रादेशिक डेटा हब हे दबाव टाकण्यासाठी महत्त्वाचे बिंदू ठरू शकतात, असे अधोरेखित करत आहेत. याच्या माध्यमातून ईरान जगावर दबाव टाकण्याचा प्रयत्न करू शकतो. (US Iran War)