‘जखम कपाळाला अन् पट्टी गुडघ्याला’; मुख्यमंत्री Devendra Fadnavis यांचे राहुल गांधींवर टीकास्त्र 

• प्रतिनिधी

Devendra Fadnavis           निवडणुकीतील पराभवाचे आत्मपरीक्षण करण्याऐवजी काँग्रेसकडून वेगळ्याच मुद्द्यांवरून राजकारण केले जात असल्याचा आरोप मुख्यमंत्री देवेंद्र फडणवीस यांनी केला आहे. विरोधी पक्षनेते राहुल गांधी यांच्या भूमिकेवर टीका करताना मुख्यमंत्री फडणवीस यांनी काँग्रेसच्या नेतृत्वावर आणि त्यांच्या राजकीय रणनीतीवर प्रश्नचिन्ह उपस्थित केले. (Devendra Fadnavis)

निवडणुकांचे निकाल लागल्यानंतर पराभवाची कारणे शोधणे, संघटनेतील त्रुटी दूर करणे आणि मतदारांचा विश्वास पुन्हा संपादन करण्यासाठी प्रयत्न करणे अपेक्षित असते. मात्र, काँग्रेसकडून तसे होत नसल्याचा दावा मुख्यमंत्री फडणवीस यांनी केला. जनतेला नेमके काय अपेक्षित आहे, मतदार नरेंद्र मोदी यांच्या नेतृत्वाला का पाठिंबा देत आहेत, याचा विचार काँग्रेसने करण्याची गरज असल्याचे त्यांनी सांगितले. (Devendra Fadnavis)

(हेही वाचा – China Women Cricket : एकही चेंडू न खेळता चीन आशियाई क्रीडा स्पर्धेत क्रिकेटमधून बाहेर; ‘हा’ नियम ठरला निर्णायक)

राहुल गांधी यांच्या नेतृत्वाबाबत काँग्रेसमधीलच लोकांमध्ये विश्वास राहिलेला नसल्याचा दावा मुख्यमंत्री फडणवीस यांनी केला. काँग्रेसने आपल्या पराभवाच्या मूळ कारणांकडे लक्ष देण्याऐवजी निवडणूक प्रक्रिया आणि संविधानिक संस्थांवर प्रश्न उपस्थित करण्याची भूमिका घेतल्याची टीकाही त्यांनी केली. (Devendra Fadnavis)

लोकशाही व्यवस्थेतील संविधानिक संस्थांची प्रतिष्ठा महत्त्वाची आहे. मात्र, या संस्थांबाबत वारंवार अविश्वासाचे वातावरण निर्माण केल्याने जनतेचा या संस्थांवरील विश्वास कमी करण्याचा प्रयत्न होत असल्याचा आरोप मुख्यमंत्री फडणवीस यांनी राहुल गांधींवर केला. राहुल गांधी यांची राजकीय मानसिकता अराजकतावादी असल्याचेही त्यांनी म्हटले. (Devendra Fadnavis)

(हेही वाचा – Sourav Ganguly Biopic : गांगुलीच्या बायोपिकमुळे इंग्लंडमध्ये खेळपट्टीचा वाद; निर्मात्यांनी दिले स्पष्टीकरण)

दरम्यान, राहुल गांधी यांच्या भूमिकेवर टीका करताना मुख्यमंत्री देवेंद्र फडणवीस यांनी “जखम कपाळाला असताना पट्टी गुडघ्याला बांधली जात आहे,” असा बोचरा टोला लगावला. काँग्रेसने पराभवाची खरी कारणे शोधून जनतेचा विश्वास पुन्हा मिळविण्यावर लक्ष केंद्रित करण्याची गरज असल्याचे सांगत फडणवीस यांनी विरोधी पक्षनेते राहुल गांधी यांच्या नेतृत्वावर थेट टीकास्त्र सोडले. (Devendra Fadnavis)

हेही पहा –