अवघ्या दोन दिवसांपूर्वी जाहीर झालेल्या ५ राज्यांच्या निवडणुकांच्या निकालात छत्तीसगड, मध्य प्रदेश आणि राजस्थानमध्ये काँग्रेस पक्षाचा दारूण पराभव झाला आहे. संसदेचे हिवाळी अधिवेशनही एक दिवस आधीच सुरू झाले आहे. I.N.D.I. Alliance च्या प्रस्तावित बैठकीपासून एक-एक घटक पक्ष दूर जात आहेत. या सगळ्यात राहुल गांधी (Rahul Gandhi) पुन्हा एकदा काँग्रेस पक्षाला वाऱ्यावर सोडून परदेश दौऱ्यावर जात आहेत.
त्यांचा दक्षिण-पूर्व आशियाई देशांचा दौरा ८ डिसेंबरपासून सुरू होत असून, त्याची सुरुवात राहुल गांधी (Rahul Gandhi) मलेशियापासून करणार आहेत. त्या दिवशी ते क्वालालंपूरला उतरतील आणि 10 डिसेंबरपर्यंत तिथेच राहतील. दुसऱ्या दिवशी ते सिंगापूरला मुक्काम करतील. तिथे त्यांना १२ डिसेंबरपर्यंत मुक्काम करायचा आहे. 13 डिसेंबर रोजी ते इंडोनेशियाची राजधानी जकार्ता येथे पोहोचतील. तिथे फक्त 1 दिवस राहणार आहेत. दुसऱ्याच दिवशी ते व्हिएतनामला जातील. अखेर राहुल गांधी १५ डिसेंबरला आपल्या देशात परततील आणि ते दिल्लीला रवाना होतील. तोवर संसदेच्या अधिवेशनाचा अंतिम आठवडा सुरु झालेला असणार आहे.
(हेही वाचा Terrorist : हाफिज सईदचा विश्वासू लष्करचा अतिरेकी हंजला अदनानचा कराचीत खात्मा)
या देशांतील विद्यापीठांमध्ये शिकणाऱ्या भारतीय विद्यार्थ्यांना राहुल गांधी (Rahul Gandhi) संबोधित करणार असल्याचे सांगण्यात येत आहे. व्हिएतनाममधील कम्युनिस्ट पक्षाच्या नेत्यांचीही ते भेट घेणार आहेत. खासदार/आमदार न्यायालयाने त्यांना 16 डिसेंबर रोजी हजर राहण्यासाठी समन्स बजावले आहे. बेंगळुरू येथे एका परिषदेदरम्यान त्यांनी केंद्रीय गृहमंत्री अमित शहा यांच्यावर आक्षेपार्ह टिप्पणी केली होती, हे प्रकरण त्याच प्रकरणाशी संबंधित आहे. ते न्यायालयात हजर होतील की नाही हे अद्याप पक्षाने सांगितलेले नाही.
Join Our WhatsApp Community