लोकसभा निवडणुकीच्या तिसऱ्या टप्प्यापूर्वी पंतप्रधान नरेंद्र मोदी (PM Narendra Modi) अयोध्येत पोहोचले. यावर्षी जानेवारीत रामजन्मभूमी मंदिरात रामललाच्या अभिषेक सोहळ्यानंतर पंतप्रधान मोदींनी पहिल्यांदाच अयोध्येला भेट दिली. पंतप्रधान मोदींनी सर्वप्रथम रामललाचे दर्शन घेतले. यानंतर तो रोड शो सुरु केला. त्यांच्यासोबत मुख्यमंत्री योगी आदित्यनाथही उपस्थित होते. रोड शो दरम्यान पंतप्रधान मोदींच्या ट्विटर हँडलवरून ट्विट केले.
(हेही वाचा Congress : अयोध्येत श्रीरामाचे दर्शन घेतल्याने पक्षातून विरोध; काँग्रेसच्या महिला नेत्याचा पक्षाला रामराम )
फैजाबाद लोकसभा मतदारसंघातील भाजप उमेदवार लल्लू सिंह यांच्या समर्थनार्थ पंतप्रधान मोदी रोड शो करत आहेत. अयोध्येत 20 मे रोजी पाचव्या टप्प्यात मतदान होणार आहे. यावेळी बोलताना मोदी (PM Narendra Modi) म्हणाले, राम मंदिरासाठी लाखो लोकांनी संघर्ष केला. कुठेही इतका मोठा संघर्ष झाला नसता, पण ते अयोध्येत घडले. तुमच्या मतांच्या बळावरच आज राम मंदिर उभारले. पंतप्रधान मोदी (PM Narendra Modi)सध्या लोकसभा निवडणुकीच्या प्रचारात व्यस्त आहेत. दररोज ते देशाच्या विविध भागात रोड शो आणि निवडणूक सभांना संबोधित करत आहेत. याचाच एक टप्पा म्हणून रविवारी ते अयोध्येत आले. फैजाबादमध्ये पाचव्या टप्प्यात मतदान होणार आहे. येथे 20 मे रोजी मतदान होणार आहे. पाचव्या टप्प्यात मोहनलालगंज, लखनौ, रायबरेली, अमेठी, जालौन, झाशी, हमीरपूर, बांदा, फतेहपूर, कौशांबी, बाराबंकी, कैसरगंज आणि गोंडा येथेही मतदान होणार आहे. बसपने अयोध्येतून (फैजाबाद लोकसभा मतदारसंघ) उमेदवार म्हणून ब्राह्मण समाजातील उमेदवार दिला आहे. बसपमध्ये प्रवेश केल्यानंतर मायावतींनी अयोध्येतून आंबेडकर नगरचे भाजपचे माजी जिल्हाध्यक्ष सच्चिदानंद पांडे ‘सचिन’ यांना तिकीट दिले आहे.
Join Our WhatsApp Community