जंतर मंतर आंदोलनादरम्यान (Jantar Mantar Protest) मेटाने पंतप्रधान नरेंद्र मोदी यांच्या फेसबुकवरील एका व्हिडिओला बंदी घातली होती. या मुद्द्यावरून मेटाच्या अडचणी वाढत आहेत. बुधवारी ५ ऑगस्टला मेटाच्या पथकाने शिक्षण आणि तंत्रज्ञान मंत्रालयाचे सचिव एस. कृष्णन यांची भेट घेतली. या पथकाचे नेतृत्व मुख्य जागतिक व्यवहार अधिकारी जोएल कॅपलान यांनी केले. ही बैठक सुमारे ४५ मिनिटे चालली आणि या विषयावर सविस्तर चर्चा करण्यात आली. (PM Modi)
(हेही वाचा – Ajinkya Rahane Retirement : ‘रहाणेला त्याच्या कामगिरीचं योग्य श्रेय मिळालं नाही,’ – सुनील गावसकर)
मंत्रालयात झालेल्या ४५ मिनिटांच्या बैठकीत मेटाच्या अधिकाऱ्यांनी व्हिडिओ हटवण्यामागील कारणांवर चर्चा केली. मेटाने व्हिडिओ चुकीने हटवण्यामागील कारणे स्पष्ट केली, तसेच बाल लैंगिक शोषण आणि पिळवणूक करणाऱ्या सामग्रीला (CSAM) प्रभावीपणे आळा घालण्यात फेसबुकला आलेले अपयश आणि इतर नियामक मुद्द्यांवर चर्चा केली. हे अधिकारी आता माहिती तंत्रज्ञान मंत्री अश्विनी वैष्णव यांची भेट घेणार आहेत. मेटाने यापूर्वी म्हटले होते की, व्हिडिओ हेतुपुरस्सर हटवण्यात आला नव्हता. विशेष म्हणजे, हा व्हिडिओ बऱ्याच काळासाठी फेसबुकवर दिसत नव्हता, पण त्यानंतर तो पुन्हा दिसू लागला आहे.
फेसबुकने माफी मागितली, सरकार म्हणाले…
अमेरिकन कंपनीने या घटनेसाठी तांत्रिक बिघाडाला जबाबदार धरत माफी मागितली आणि सांगितले की पोस्ट चुकून काढून टाकण्यात आली होती, परंतु नंतर ती पूर्ववत करण्यात आली. तसेच इलेक्ट्रॉनिक्स आणि माहिती तंत्रज्ञान मंत्रालयाने कंपनीचे स्पष्टीकरण अपुरे असल्याचे सांगून फेटाळून लावले.
(हेही वाचा – Crime : फॉरेन्सिक पुराव्यांमुळे सराईत गुन्हेगाराला अटक करण्यात मुंबई पोलिसांना यश)
मार्क झुकरबर्ग यांच्याकडून माफीची मागणी
एका संसदीय स्थायी समितीने पंतप्रधान मोदींचा व्हिडिओ काही तासांसाठी फेसबुकवरून हटवल्याच्या घटनेची गंभीर दखल घेतली आहे. समितीने मेटाचे सीईओ मार्क झुकरबर्ग यांना तीन दिवसांच्या आत बिनशर्त माफी मागण्यास सांगितले आहे. इलेक्ट्रॉनिक्स आणि माहिती तंत्रज्ञान मंत्रालयाच्या (MeitY) सचिवांना लिहिलेल्या पत्रात समितीने म्हटले आहे की, पंतप्रधानांच्या भाषणाचा व्हिडिओ हटवणे ही एक अत्यंत गंभीर बाब असून यासाठी जबाबदारी निश्चित केली पाहिजे.
हेही पहा –
Join Our WhatsApp Community