West Bengal मधील पोटनिवडणुकीत आणखी एका विरोधी उमेदवारांच्या केली अटक

पश्चिम बंगालमधील (West Bengal) रेजीनगर विधानसभा पोटनिवडणूक लढवणारे अपक्ष उमेदवार सैफुल इस्लाम यांना शनिवारी बहारामपूर येथे पोलिसांनी अटक केली. पोलिसांच्या माहितीनुसार, 2021 च्या विधानसभा निवडणुकीदरम्यान दोन गटांमध्ये झालेल्या संघर्षाच्या संदर्भात ही कारवाई करण्यात आली आहे. सैफुल इस्लाम हे हुमायून कबीर यांच्या आम जनता उन्नयन पार्टी (AJUP) शी संबंधित आहेत. जमीन अधिग्रहणाविरोधातील आंदोलनाशी संबंधित सुमारे दोन दशके जुन्या प्रकरणात अटक करण्यात आलेल्या काँग्रेसचे उमेदवार मिलन प्रधान यांच्या अटकेच्या दुसऱ्याच दिवशी ही अटक झाली आहे. नंदीग्राम आणि रेजीनगर पोटनिवडणुका 6 ऑक्टोबर रोजी होणार आहेत. (West Bengal)

काँग्रेस उमेदवार 3 ऑक्टोबरपर्यंत न्यायालयीन कोठडीत

2007 च्या नंदिग्राम भूसंपादन विरोधी आंदोलनादरम्यान घडलेल्या एका जुन्या खून प्रकरणात काँग्रेस उमेदवार मिलन प्रधान यांना अटक करण्यात आली आहे. वृत्तानुसार, या प्रकरणात त्यांच्याविरुद्ध आधीच अटक वॉरंट जारी करण्यात आले होते. त्यांना 3 ऑक्टोबरपर्यंत न्यायालयीन कोठडी सुनावण्यात आली आहे.

(हेही वाचा भारत केवळ Bullet Train चालवणार नाही, तर निर्मितीही करणार; ‘मेड इन इंडिया’ ट्रेन जपानच्या ई१० ला देणार टक्कर)

ममता बॅनर्जींच्या उमेदवाराने पुन्हा भूमिका बदलली

राजनगरमधील टीएमसी उमेदवार रबीउल आलम चौधरी यांनी शनिवारी सकाळी 10 वाजता निवडणुकीतून माघार घेतल्याची घोषणा केली, परंतु अवघ्या तीन तासांनंतर दुपारी 1 वाजता त्यांनी आपली भूमिका बदलली. सकाळी माघार जाहीर करताना, रबीउल यांनी पक्षाचे जुने निवडणूक चिन्ह, ‘गवताच्या फुलांची जोडी’ आणि नवीन चिन्ह, ‘फुटबॉल खेळाडू’ यांचा उल्लेख केला. मात्र, ममता बॅनर्जी यांच्याशी बोलल्यानंतर रबीउल म्हणाले, मी निवडणूक लढवेन. एक दिवस आधी, नंदिग्राममधील ममता बॅनर्जी यांच्या उमेदवार संचिता प्रधान डे यांनीही आपला उमेदवारी अर्ज मागे घेतला होता. (West Bengal)

ममता बॅनर्जी यांनी सर्वोच्च न्यायालयात धाव घेतली

ममता बॅनर्जी यांनी टीएमसीचे नाव आणि ‘गवताच्या फुलांची जोडी’ हे निवडणूक चिन्ह गोठवण्याच्या निवडणूक आयोगाच्या निर्णयाला सर्वोच्च न्यायालयात आव्हान दिले आहे. दाखल केलेल्या आपल्या याचिकेत त्यांनी निवडणूक आयोग आणि पश्चिम बंगाल (West Bengal) विधानसभेतील विरोधी पक्षनेते ऋतब्रता बॅनर्जी यांना पक्षकार म्हणून प्रतिवादी केले आहे. एक दिवस आधी, 17 सप्टेंबर रोजी, निवडणूक आयोगाने टीएमसीच्या दोन्ही गटांना त्यांची मूळ नावे आणि चिन्हे वापरण्यास मनाई करून स्वतंत्र नावे आणि चिन्हे दिली होती. आता दोन्ही गट नवीन पक्षांच्या नावाखाली आणि चिन्हांसह पोटनिवडणूक लढवतील. ममता गटाला ‘ममता ऑल इंडिया तृणमूल काँग्रेस’ हे नाव आणि ‘फुटबॉल खेळाडू’ हे चिन्ह मिळाले, तर अरूप रॉय गटाला ‘डेमोक्रॅटिक तृणमूल काँग्रेस’ हे नाव आणि ‘लिफाफा’ हे चिन्ह देण्यात आले.