लैंगिक अत्याचार (sexual assault) आणि शोषणाच्या पाचव्या प्रकरणात भोंदू बाबा अशोक खरातला नाशिक येथील सुट्टीकालीन न्यायालयाने (Nashik Vacation Court) २३ एप्रिलपर्यंत पोलीस कोठडी (Ashok Kharat police custody) सुनावली आहे. खरातला शनिवारी पाचव्या प्रकरणात औपचारिकरित्या अटक करण्यात आली. (Ashok Kharat)
(हेही वाचा – मध्य-पूर्वेतील संघर्ष टोकाला पोहचणार? America ची लढाऊ विमाने पाकिस्तानात उतरली)
१४ गुन्हे दाखल; पाचव्या प्रकरणात अटक
सुनावणीदरम्यान, सरकारी वकिलांनी न्यायालयाला सांगितले की, आरोपीची कार्यपद्धती सारखीच आहे, परंतु पीडित महिला वेगवेगळ्या आहेत. त्याने महिलांना अवैध पदार्थांचे आमिष दाखवून आणि त्यांची फसवणूक करून त्यांचे शोषण केले. या घटकांचा आणि गुन्ह्यामागील कटाचा पूर्ण तपास करण्यासाठी पोलीस कोठडी आवश्यक आहे. त्यानंतर आरोपीच्या वकिलाने पोलीस कोठडीला विरोध करत असा युक्तिवाद केला की, पहिल्या अटकेपासून सरकारी पक्ष तेच मुद्दे उपस्थित करत आहे. पैशाचा स्रोत आणि इतर बाबींचा तपास आधीच झाला असल्याने रिमांडची गरज नाही. तसेच पीडितांची संख्या आणि गुन्ह्याचे गांभीर्य लक्षात घेऊन न्यायालयाने या प्रकरणात आरोपीला पाच दिवसांची पोलीस कोठडी मंजूर केली.
(हेही वाचा – Tamilnadu : फटाका कारखान्यात भीषण स्फोट; १६ जणांचा होरपळून मृत्यू, ६ गंभीर जखमी)
तसेच एका महिलेने केलेल्या लैंगिक अत्याचाराच्या तक्रारीनंतर अशोक खरातला १८ मार्चला अटक करण्यात आली होती. त्यानंतर, आरोपीविरुद्ध एकूण १४ गुन्हे दाखल करण्यात आले आहेत. यापैकी आठ लैंगिक अत्याचाराचे आणि सहा फसवणुकीचे आहेत. आतापर्यंत पोलिसांनी आरोपीविरुद्धच्या चार गुन्ह्यांचा तपास पूर्ण केला आहे. रविवारी १९ एप्रिलला आरोपीविरुद्ध दाखल झालेल्या पाचव्या गुन्ह्यात पोलिसांना पाच दिवसांची पोलीस कोठडीही मिळाली आहे. या प्रकरणाचा सखोल तपास सुरू आहे.
हेही पहा –
Join Our WhatsApp Community