“काळजातून मारलेला बाण मातोश्रीत कुठे घुसलाय शोधा!”; BJP कडून संजय राऊतांवर घणाघाती हल्ला

• प्रतिनिधी

BJP : राज्यातील सत्तासंघर्ष आणि आरोप-प्रत्यारोपांच्या फैरी दिवसेंदिवस अधिकच तीव्र होताना दिसत आहेत. एकमेकांच्या कार्यशैलीवर आणि राजकीय अस्तित्वावर बोट ठेवत राजकीय वर्तुळात रोज नवे वाद उफाळून येत आहेत. आगामी काळातील समीकरणांवरून एकमेकांना लक्ष्य करत वरिष्ठ नेत्यांवर टोकाचे शाब्दिक वार करण्याचे प्रमाणही वाढले असून, दिल्लीपासून गल्लीपर्यंतच्या राजकारणावर भाष्य करताना थेट वैयक्तिक पातळीवर जाऊन खिल्ली उडवण्यापर्यंत हा संघर्ष पोहोचला आहे.

(हेही वाचा – Trump Xi Jinping Trade Deal : ट्रम्प यांचा चीनबाबत अचानक बदलला सूर; टॅरिफच्या दबावाखाली ‘सीक्रेट डील’चा प्लॅन? )

या राजकीय वादात आता आगामी निवडणुका आणि पुढील समीकरणांचा मुद्दाही ऐरणीवर आला असून, भविष्यात कोणाचे सरकार येणार आणि कोण गल्लीत राहणार यावरून दावे-प्रतिदावे केले जात आहेत. विरोधी पक्षांच्या अंतर्गत हालचाली, संभाव्य आघाड्या आणि नेतृत्वाच्या क्षमतेवर उपस्थित केलेल्या प्रश्नांमुळे राजकीय वातावरण चांगलेच तापले असून या मुद्द्यावरून विरोधकांना जोरदार घेरण्यात आले आहे.

भाजप प्रदेश कार्यालयातील पत्रकार परिषदेत मुख्य प्रवक्ते नवनाथ बन यांनी खासदार संजय राऊत यांच्यावर अत्यंत बोचऱ्या शब्दांत घणाघात केला. महाराष्ट्रातील जनतेने काळजातून मारलेला बाण ‘मातोश्री’त नेमका कुठे घुसलाय हे राऊतांनी आधी शोधावे, असा टोला लगावत त्यांनी राऊतांच्या भूमिकेची तुलना ‘नटरंग’ चित्रपटातील पात्राशी केली. इतकेच नव्हे तर त्यांच्यावर उपचारासाठी सिंगापूरच्या रुग्णालयात वर्गणी काढण्याचा उपरोधिक सल्ला देत, देवेंद्र फडणवीस २०२९ पर्यंत महाराष्ट्राचे मुख्यमंत्री राहतील आणि विरोधकांना जनतेने घरी बसवले आहे, असे ठणकावून सांगत नवनाथ बन यांनी राऊतांवर जोरदार हल्ला चढवला.

हेही पहा –