संसर्गजन्य कोरोना साथीची भीषणता ओसरल्यानंतर आता जगासमोर आरोग्यविषयक नवीन गंभीर आव्हान उभे राहिले आहे. आफ्रिकेतील डेमोक्रॅटिक रिपब्लिक ऑफ कांगो (Congo Ebola Outbreak) या देशात इबोला या जीवघेण्या संसर्गजन्य आजाराने थैमान घातले आहे. या साथीचा प्रादुर्भाव वेगाने पसरत असून त्यामुळे आतापर्यंत तब्बल १५०० पेक्षा अधिक नागरिकांना आपला जीव गमवावा लागला आहे. जागतिक आरोग्य संघटनेने (WHO) या परिस्थितीवर तीव्र चिंता व्यक्त केली असून, या संसर्गावर वेळेत नियंत्रण मिळवले नाही तर जागतिक पातळीवर मोठा धोका निर्माण होऊ शकतो असा इशारा दिला आहे. (Ebola Outbreak)
(हेही वाचा – Manipur हादरवण्याचा कट फसला! थौबलमध्ये सैन्याचा धाडसी छापा; मोठा शस्त्रसाठा जप्त)
मृत्यूचा दर आणि वाढती रुग्णसंख्या
आरोग्य यंत्रणांनी दिलेल्या ताज्या आकडेवारीनुसार, कांगोमध्ये आतापर्यंत ३६०० पेक्षा जास्त बाधित आणि संशयित रुग्णांची नोंद झाली आहे. या आजाराचा मृत्यूदर सुमारे ४४ टक्के इतका प्रचंड असल्याने वैद्यकीय क्षेत्राची चिंता वाढली आहे. संसर्गाची साखळी अद्याप तुटलेली नसून दररोज नवीन बाधित रुग्ण समोर येत आहेत. यापूर्वी २०१८ ते २०२० दरम्यान आलेल्या इबोलाच्या लाटेपेक्षाही ही सध्याची लाट अधिक वेगाने पसरत असल्याचे दिसून येत आहे. त्यामुळे इबोलाच्या इतिहासातील ही दुसरी सर्वात मोठी आणि प्राणघातक साथ मानली जात आहे. (Ebola Outbreak)
(हेही वाचा – Crime : डोंबिवलीत काळे कपडे, चेहऱ्यावर मास्क लावून घरफोडीचा प्रयत्न)
संसर्ग पसरण्याची मुख्य कारणे आणि उपाययोजना
कांगोमधील ईशान्य भागातील इतुरी प्रांत या आजाराचा मुख्य केंद्रबिंदू बनला आहे. हा भाग दक्षिण सुदान आणि युगांडा या देशांच्या सीमांलगत असल्याने तेथे लोकांची मोठी ये-जा सुरू असते. योग्य स्वच्छतेचा अभाव, पिण्याच्या पाण्याची टंचाई आणि अपुऱ्या आरोग्य सुविधांमुळे या आजाराचा प्रसार अधिक वेगाने होत आहे. परिस्थिती हाताबाहेर जाण्यापूर्वी बाधित भागात तातडीने लस पुरवठा करणे आणि कठोर प्रतिबंधात्मक उपाययोजना राबवणे अत्यंत गरजेचे असल्याचे तज्ज्ञांचे म्हणणे आहे.
हेही पहा –