मणिपूरमध्ये (Manipur) कायदा व सुव्यवस्था राखण्यासाठी समाजकंटकांवर मोठी कारवाई करण्यात आली. या मोहिमेत सुरक्षा दलांनी आणि मणिपूर पोलिसांनी मोठे यश मिळवले आहे. तसेच दोन वेगवेगळ्या जिल्ह्यांमध्ये राबविण्यात आलेल्या शोध मोहिमेदरम्यान मोठ्या प्रमाणात शस्त्रे, दारुगोळा, दळणवळण उपकरणे आणि स्फोटके जप्त करण्यात आली. (Manipur)
(हेही वाचा – अपात्र असूनही ‘Ladki Bahin’चे पैसे लाटले; सरकारचा दणका; व्याजासकट वसुली होणार वसूली?)
पोलिसांनी दिलेल्या माहितीनुसार, थौबल पोलीस ठाण्याच्या (Thoubal Police Stations) हद्दीतील आरोंग नदीजवळील एकोक पट परिसरात रविवारी २ ऑगस्टला शोधमोहीम राबवण्यात आली. या कारवाईदरम्यान मोठ्या प्रमाणात लपवलेला शस्त्रसाठा जप्त करण्यात आला. जप्त केलेल्या वस्तूंमध्ये दोन इन्सास रायफल्स, एक एमपी-५ सब-मशीन गन, एक एसएलआर रायफल, दोन .३०३ रायफल्स, आठ मॅगझिन्स, एक स्मोक बॉम्ब आणि विविध कॅलिबरच्या ३७९ जिवंत काडतुसांचा समावेश होता.
तेंगनौपाल जिल्ह्यातील जंगलातून शस्त्रे जप्त करण्यात आली
याव्यतिरिक्त, शनिवार, १ ऑगस्टला, सुरक्षा दलांनी तेंगनौपाल (Tenganupal arms cache seized) जिल्ह्यातील मोरेह पोलीस ठाण्याच्या हद्दीत, भारत-म्यानमार सीमेजवळील सीमा स्तंभ ७२ आणि ७३ दरम्यानच्या वनक्षेत्रात एक मोठी शोध मोहीम राबवली. या मोहिमेदरम्यान, एक ९ मिमी पिस्तूल, दोन ठासणीची बंदूक, सहा रेडिओ कम्युनिकेशन सेट, दोन हातबॉम्ब आणि सहा आयईडी स्फोटक जप्त करण्यात आले.
सर्व सहा आयईडी स्फोटक नष्ट केले
सुरक्षा दलांनी सांगितले की, सुरक्षा नियमांनुसार जप्त केलेले सर्व सहा आयईडी घटनास्थळीच निकामी करून नष्ट करण्यात आले, त्यामुळे कोणताही संभाव्य धोका टळला.
(हेही वाचा – Crime : डोंबिवलीत सार्वजनिक रस्त्यावर लूट; विद्यार्थ्याच्या गळ्यातील चेनसह मोबाईल हिसकावला)
शोध आणि निगराणी मोहीम सुरू आहे
पोलीस अधिकाऱ्यांनी सांगितले की, शांतता आणि कायदा व सुव्यवस्था राखण्यासाठी आजूबाजूच्या संवेदनशील भागांमध्ये शोध आणि निगराणी मोहीम सुरू आहे. जप्त केलेल्या शस्त्रे आणि स्फोटकांचा स्रोत, तसेच यात सामील असलेल्यांना ओळखण्यासाठी सुरक्षा यंत्रणा सक्रियपणे काम करत आहेत.
९ अतिरेक्यांना अटक
यापूर्वी, गुप्त माहितीच्या आधारे, मणिपूरमधील सुरक्षा दलांनी गेल्या २४ तासांत वेगवेगळ्या कारवायांमध्ये बंदी घातलेल्या बंडखोर गटांशी संबंधित नऊ दहशतवाद्यांना अटक केली. या झडतीदरम्यान त्यांच्याकडून शस्त्रे, दारूगोळा साहित्य जप्त करण्यात आले, असे अधिकाऱ्यांनी रविवारी सांगितले.
(हेही वाचा – Omar Abdullah यांच्या माजी पत्नीचे वय, शिक्षण, कुटुंब, मुले, व्यवसाय, करिअर आणि संपत्तीबद्दल जाणून घ्या )
या भागांमध्ये कारवाई करण्यात आली
एका वरिष्ठ पोलीस अधिकाऱ्याने सांगितले की, मणिपूर पोलीस आणि इतर सुरक्षा यंत्रणांनी केलेल्या संयुक्त कारवाईदरम्यान थौबल, तामेंगलोंग, काकचिंग, चंडेल, इम्फाळ पश्चिम आणि इम्फाळ पूर्व जिल्ह्यांमधून या नऊ दहशतवाद्यांना अटक करण्यात आली.
हेही पहा –
Join Our WhatsApp Community