US Iran War : अमेरिका, इराण संघर्षाच्या पार्श्वभूमीवर पंतप्रधान मोंदींनी घेतला देशाच्या सुरक्षिततेचा आढावा

• ऋजुता लुकतुके

अमेरिका-इराण संघर्षाच्या(US Iran War)पार्श्वभूमीवर पंतप्रधान नरेंद्र मोदी यांनी गुरुवारी उच्चस्तरीय सुरक्षा आढावा बैठक घेत भारताच्या ऊर्जा सुरक्षा, पुरवठा साखळी आणि पश्चिम आशियातील घडामोडींचा सविस्तर आढावा घेतला. पश्चिम आशियातील वाढत्या तणावाचा भारताच्या अर्थव्यवस्थेवर आणि आवश्यक वस्तूंच्या उपलब्धतेवर होणारा परिणाम लक्षात घेऊन ही बैठक बोलावण्यात आली होती.(US Iran War)

लाइव्हमिंटच्या वृत्तानुसार, बैठकीत हॉर्मुझ सामुद्रधुनी, लाल समुद्र, काळा समुद्र आणि गल्फ ऑफ एडन या महत्त्वाच्या समुद्री मार्गांवरील परिस्थितीवर विशेष चर्चा करण्यात आली. या मार्गांमधून भारताच्या तेल, वायू आणि इतर महत्त्वाच्या आयातीचा मोठा हिस्सा येत असल्याने, पुरवठा साखळी अखंडित ठेवण्यावर सरकारने भर दिला.(US Iran War)

बैठकीला केंद्रीय गृह, संरक्षण, परराष्ट्र, अर्थ, ऊर्जा आणि पेट्रोलियम मंत्रालयांतील वरिष्ठ मंत्री व अधिकारी उपस्थित होते. कच्चे तेल, एलपीजी, खतांचा पुरवठा, ऊर्जा साठे आणि समुद्री वाहतुकीची सुरक्षितता याबाबतची तयारी तपासण्यात आली.(US Iran War)

(हेही वाचा – Ajinkya Rahane Retirement : निवृत्ती पत्करलेल्या अजिंक्यसाठी प्रशिक्षक प्रवीण आमरेंचे कौतुकोद्गार )

विशेषतः हॉर्मुझ सामुद्रधुनीतून होणाऱ्या तेलवाहतुकीवर कोणताही अडथळा निर्माण झाल्यास भारताच्या ऊर्जा सुरक्षेवर परिणाम होऊ शकतो, याची सरकारला चिंता आहे. त्यामुळे पर्यायी पुरवठा मार्ग, साठा व्यवस्थापन आणि भारतीय जहाजांच्या सुरक्षेबाबत विविध पर्यायांवर चर्चा झाल्याचे वृत्तात म्हटले आहे.(US Iran War)

सरकारने भारतीय नौदल आणि संबंधित सुरक्षा यंत्रणांना परिस्थितीवर सतत लक्ष ठेवण्याच्या सूचना दिल्या आहेत. भारतीय ध्वजाखालील जहाजे, तेलवाहू टँकर्स आणि पश्चिम आशियात कार्यरत भारतीय नागरिकांच्या सुरक्षेचाही बैठकीत आढावा घेण्यात आला.(US Iran War)

पंतप्रधान मोदी यांनी जागतिक संघर्षामुळे भारताच्या पुरवठा साखळी, ऊर्जा उपलब्धता आणि आर्थिक स्थैर्यावर परिणाम होऊ नये, यासाठी आवश्यक सर्व उपाययोजना करण्यावर भर दिला. आवश्यक वस्तूंच्या आयात-पुरवठ्यात व्यत्यय येऊ नये आणि देशांतर्गत उपलब्धता सुरळीत राहावी, यासाठी विविध मंत्रालयांमध्ये समन्वय वाढवण्याचे निर्देश देण्यात आल्याची माहिती आहे.(US Iran War)

पश्चिम आशियातील संघर्षामुळे जागतिक तेलबाजारात अस्थिरता निर्माण झाली असून, आंतरराष्ट्रीय कच्च्या तेलाच्या किमतींमध्ये चढ-उतार सुरू आहेत. या पार्श्वभूमीवर भारताने ऊर्जा सुरक्षा आणि पुरवठा व्यवस्थापनाबाबत सक्रिय तयारी सुरू ठेवल्याचे या बैठकीतून स्पष्ट झाले.(US Iran War)

हेही पहा –